ڈالر دے مقابلے روپیا تکڑا تھیوݨ دا فیدہ پٹرولیم مصنوعات دے تیکھے ملھ ڳھٹݨ اچ نظرسی، وزیر قانون اعظم نذیر تارڑ

اسلام آباد۔17اگست(اے پی پی)سینیٹ اچ قائد ایوان و وزیر قانون اعظم نذیر تارڑ آکھیے جو پی ٹی آئی ملک کوں معاشی تباہی دی کنی تے پچائے، پٹرولیم مصنوعات دی ڳالھ کرݨ آلے آئی ایم ایف نال آپ معاہدہ کر ڳئے ہن، ڈالر دے مقابلے روپیا تکڑا تھیوݨ دا فیدہ پٹرولیم مصنوعات دے تیکھے ملھ ڳھٹݨ اچ نظرسی، شہباز گل دی اداریاں دے خالف زبان سامݨے اے، اساں آئین و قانون دے پابند ہیں، پہلے آلی کار بے گناہ لوکاں کوں نپ تے جہل اچ نا سٹیا ویسی، سیاست حقائق تے کرݨی چاہیدی اے۔ اے ڳالھ انہاں سینیٹ اجلاس اچ الیندے آکھی جو پچھلی حکومت معاشی پالیسیاں دا ٻھوڳ اساں ٻھڳتدے پئے ہیں، ملک کوں ݙیوالہ تھیوݨ توں بچائے، بحراناں اچوں وی کݙھسوں، پٹرول دا ملھ ودھݨ اوکھا فیصضہ اے ٻھل تیکھے عوام کؤں ریلیف ملسی، آئی ایم ایف نال معاہدے دی پابندی ریاست دی مجبوری اے، ریگولیٹری اداراں کوں آزاد کرݨ، اوگرا کوں خود مختار ٻݨاوݨ دا بل پی ٹی آئی ڳھن آئی ہئی، سٹیٹ بینک دے اختیارات دا بل وی انہائیں منظور کرایا ہا، اساں تاں ایندی مخالفت کیتی ہئی۔