امریکا اچ پاکستانی سفارتخانے اچ تعزیتی اجلاس، لسبیلہ ہیلی کاپٹر حادثے دے شہدا کوں خراج عقیدت پیش کیتا ڳئے

واشنگٹن۔18اگست (اے پی پی):لسبیلہ اچ ہیلی کاپٹر حادثے اچ 12 کور دے کمانڈر لیفٹیننٹ جنرل سرفراز علی اتے ٻئے فوجی افسران دی شہادت تے امریکا اچ پاکستانی سفارتخانے اچ تعزیتی اجلاس منعقد تھیا جیں اچ شہدا کوں زبردست خراج عقیدت پیش کیتا ڳئے ۔امریکا اچ پاکستان دے سفیر مسعود خان تعزیتی اجلاس توں خطاب کریندے ہوئیں آکھیے جو مسلح افواج ملک کیتے بے پناہ قربانیاں ݙتن تے مسلح افواج دی تاریخ ایجھی قربانیاں نال بھری ہوئی اے ، انہاں آکھیے ساݙے فوجی افسران اتے مسلح افواج دے جوان دیاں قربانیاں اساں کیتے باعث فخر ہن۔ جݙاں وی ملک کوں کہیں چیلنج دا سامݨا ہووے بھاویں او ٻاہرلا خطرہ ہووے ، اندرلے چیلنجز ہوون یا کوئی کوئی قدرتی آفت ہووے ساݙی مسلح فوج ملک دے دفاع کیتے ہمیشہ ساریں توں اڳوں رہی اے۔ پاکستانی سفیر مسعود خان آکھیے جو لیفٹیننٹ جنرل سرفراز علی شہید دی پیشہ ورانہ مہارت اتے کردار ھک شاندار ورثہ اتے قابل تقلید مثال اے۔ انہاں فرنٹ لائن تے رہندے ہوئیں آپݨی قائدانہ صلاحیتاں تے خوبیاں توں خود کوں ثابت کیتا۔انہاں آکھیے جو او لیفٹیننٹ جنرل سرفراز علی شہید کوں ذاتی حیثیتنال ڄاݨدن ۔ شہید جنرل جݙاں واشنگٹن ڈی سی اچ پاکستانی سفارتخانے اچ ڈیفنس اتاشی دے طور تے خدمات انجام ݙیندے پئے ہن تاں انہاں دے نیڑے رابطے دے علاوہ انہاں کوں کوئٹہ اچ کمانڈنٹ سٹاف کالج اتے کمانڈر سدرن کمانڈ دے طور تے خدمات انجام ݙیوݨ دے دوران انہاں نال ملاقات دا موقع وی ملیا۔ پاکستان دےسفیر لیفٹیننٹ جنرل سرفراز علی شہید کوں خراج عقیدت پیش کریندے ہوئیں آکھیے جو امریکی محکمہ دفاع اتے محکمہ خارجہ وی انہاں دی شہادت تے تعزیت کیتی اے ۔