شہباز گل تے تشدد ثابت نی تھیا ، پی ٹی آئی دے دور اچ سیاسی مخالفین کوں تشدد دا نشانہ بݨایا ڳئے ،سینیٹر شیری رحمن

اسلام آباد۔19اگست (اے پی پی) وفاقی وزیر موسمیاتی تبدیلی سینیٹر شیری رحمن آکھیے جو میڈیکل رپورٹ اچ شہباز گل تے تشدد ثابت نی تھیا ، پی ٹی آئی دے دور اچ سیاسی مخالفین کوں تشدد دا نشانہ بݨایا ڳیا تے جیلاں اچ بند رکھیا ڳئے ، سینیٹ اجلاس اچ ڳالھ کریندے ہوئیں انہاں آکھیے جو شہباز گل دی میڈیکل رپورٹ عدالت اچ پیش کر ݙتی ڳئی اے، انہاں تے تشدد ثابت نی تھیا ، جے تشدد تھیا وی ہے تاں ایندی تحقیقات کیتیاں ویسن ، انہاں آکھیے جو پی ٹی آئی فاشسٹ جماعت اے، انہاں کوں شور شرابہ کرݨ دی بجائے ساݙی ڳالھ سݨݨی چاہیدی اے ، انہاں دے دور اچ مخالفین کوں تشدد دا نشانہ بݨایا ڳئے تے جیلاں اچ پاتا ڳئے ، ساݙا تشدد دی تائید کرݨ دا سوال ہی پیدا نی تھیندا ۔