اسلام آباد۔19اگست (اے پی پی) پاکستان مقبوضہ کشمیر اچ قبل از انتخابات دھاندلی دی دانستہ بھارتی کوششاں کوں واضح طور مسترد کر ݙتے۔ دفتر خارجہ دے ترجمان ولوں جمعے کوں جاری بیان موجب مقبوضہ علاقے دے عارضی رہائشیاں بشمول ٻاہرلی افرادی قوت اتے سکیورٹی اہلکاراں کوں وی بطور ووٹر رجسٹر کرݨ دی موکل ݙیوݨ دے اڄوکے اعلان مقبوضہ کشمیر اچ نام نہاد انتخابات دے نتیجےکوں متاثر کرݨ دے بھاتی مذموم …
پاکستان مقبوضہ کشمیر اچ قبل از انتخابات دھاندلی دی دانستہ بھارتی کوششاں کوں واضح طور مسترد کر ݙتے
اسلام آباد۔19اگست (اے پی پی) پاکستان مقبوضہ کشمیر اچ قبل از انتخابات دھاندلی دی دانستہ بھارتی کوششاں کوں واضح طور مسترد کر ݙتے۔ دفتر خارجہ دے ترجمان ولوں جمعے کوں جاری بیان موجب مقبوضہ علاقے دے عارضی رہائشیاں بشمول ٻاہرلی افرادی قوت اتے سکیورٹی اہلکاراں کوں وی بطور ووٹر رجسٹر کرݨ دی موکل ݙیوݨ دے اڄوکے اعلان مقبوضہ کشمیر اچ نام نہاد انتخابات دے نتیجےکوں متاثر کرݨ دے بھاتی مذموم منصوبے نشابر نظردا پئے۔ پاکستان بھارت دے انہاں سارے اقدامات کوں مکمل طور مسترد کرݨ دا اعادہ کیتا جئیں دا مقصد مقبوضہ کشمیر اچ مسلم اکثریت کوں اقلیت اچ بدلݨ اے جئیں اچ نام نہاد حد بندی کمیشن ٻݨاوݨ اتے اوندی بے بنیاد رپورٹ، لکھاں ٻاہرلے لوک غیر کشمیریاں کوں جعلی ڈومیسائیل ݙیوݨ اتے جائیداداں اچ تبدیلیاں شامل ہن۔ پاکستان عالمی برادری توں مطالبہ کیتا جو او مقبوضہ کشمیر اچ غیر قانونی آبادیاتی تبدیلیاں کوں متاثر کرݨ دی بھارتی کوشاں دا فوری نوٹس ڳھنے اتے بھارت کوں ایندا ذمہ وار آکھے۔
