اسلام آباد۔22اگست (اے پی پی):وزیرمملکت خزانہ ومحصولات ڈاکٹرعائشہ غوث پاشا آکھیے جو حکومت جامع اقدامات دے ذریعے معیشت کوں دیوالیہ تھیوݨ دے خطرات توں محفوظ کرڳھدے ، روپیہ دی قدرودھدی پئی اے جݙاں جو درآمدات گھٹ تھیندیاں پئن، انسانی تے اقتصادی سلامتی دے بغیرقومی سلامتی دا تصورنامکمل اے ۔انہاں اے ڳالھ سنوار کوں اتھاں انسٹی ٹیوٹ آف سٹریٹجک سٹڈیزاچ ”پاکستان دی اقتصادی سلامتی۔۔چیلنجز اتے لائحہ عمل“ دے موضوع تے منعقدہ …
حکومت جامع اقدامات دے ذریعے معیشت کوں دیوالیہ تھیوݨ دے خطرات توں محفوظ کرڳھدے ، ڈاکٹرعائشہ غوث پاشا دا آئی ایس ایس اچ خطاب
اسلام آباد۔22اگست (اے پی پی):وزیرمملکت خزانہ ومحصولات ڈاکٹرعائشہ غوث پاشا آکھیے جو حکومت جامع اقدامات دے ذریعے معیشت کوں دیوالیہ تھیوݨ دے خطرات توں محفوظ کرڳھدے ، روپیہ دی قدرودھدی پئی اے جݙاں جو درآمدات گھٹ تھیندیاں پئن، انسانی تے اقتصادی سلامتی دے بغیرقومی سلامتی دا تصورنامکمل اے ۔انہاں اے ڳالھ سنوار کوں اتھاں انسٹی ٹیوٹ آف سٹریٹجک سٹڈیزاچ ”پاکستان دی اقتصادی سلامتی۔۔چیلنجز اتے لائحہ عمل“ دے موضوع تے منعقدہ خصوصی رپورٹ دے اجراءدے موقع تے آپݨے خطاب اچ آکھی اے ۔ڈاکٹرعائشہ غوث پاشا آکھیے جو عصرحاضراچ اقتصادی تے انسانی سلامتی دے بغیر قومی سلامتی دا تصورنامکمل اے ۔اقتصادی سلامتی کیتے ٻاہرلیاں ادائیگیاں کیتے مضبوط بنیاداں ہووݨیاں چاہیدن کیوں جو کہیں وی ملک دی ترقی تے خوشحالی اچ اقتصادی سلامتی داکلیدی کردار رہیے ۔ وزیرمملکت آکھیے جو سماجی اشاریے اقتصادی سلامتی داتعین کریندن ، انسانی تے اقتصادی ترقی کیتے معاشرے دے گھٹ آمدنی آلے تے محروم طبقیں کوں اڳوں گھن ونڄݨ ضروری اے کیوں جو صرف ایں صورت اچ پائیدارنمو کوں ممکن بݨایا ونڄ سڳدے ۔
