اسلام آباد۔22اگست (اے پی پی) وفاقی وزیر اطلاعات تے نشریات مریم اورنگزیب آکھیا جو فلم اتے ڈرامہ پاکستان دا عالمی سطح تے تشخص بہتر کرݨ اچ کلیدی کردار ادا کر سڳدن، فلم انڈسٹری کوں جدید تقاضیاں نال ہم آہنگ کریسوں۔ حکومت سینما گھراں دی بحالی، نویں سینما گھر ٻݨاوݨ اتے فنکاراں کوں مراعات ݙیوݨ کیتے کم کریندی پئی اے۔ حکومت ایں بارے فلم سازاں کوں ٹیکس اچ استثنا سودھے فلم …
فلم اتے ڈرامہ پاکستان دا عالمی سطح تے تشخص بہتر کرݨ اچ کلیدی کردار ادا کر سڳدن، فلم انڈسٹری کوں جدید تقاضیاں نال ہم آہنگ کریسوں، وفاقی وزیر اطلاعات مریم اورنگزیب دی پاکستان فلم پروڈیوسرز ایسوسی ایشن دے وفد نال ڳالھ مہاڑ
اسلام آباد۔22اگست (اے پی پی) وفاقی وزیر اطلاعات تے نشریات مریم اورنگزیب آکھیا جو فلم اتے ڈرامہ پاکستان دا عالمی سطح تے تشخص بہتر کرݨ اچ کلیدی کردار ادا کر سڳدن، فلم انڈسٹری کوں جدید تقاضیاں نال ہم آہنگ کریسوں۔ حکومت سینما گھراں دی بحالی، نویں سینما گھر ٻݨاوݨ اتے فنکاراں کوں مراعات ݙیوݨ کیتے کم کریندی پئی اے۔ حکومت ایں بارے فلم سازاں کوں ٹیکس اچ استثنا سودھے فلم انڈسٹری کیتے آلات دی درآمد اچ ہرممکن تعاون کریسی۔ اے ڳالھیں انہاں سنوار کوں پاکستان فلم پروڈیوسرز ایسوسی ایشن دے چیئرمین شیخ امجد دی قیادت اچ ملاقات کیتے آئے وفد نال ڳالھ مہاڑ کریندیں ہوئیں آکھی۔ وفاقی وزیر اطلاعات آکھیا جو فلم انڈسٹری تے لاتے ڳئے ود ہولڈنگ ٹیکس دے خاتمے کیتے ایف بی آڑ نال ڳالھ مہاڑ جاری اے۔ جلدی لائحہ عمل ٻݨا ڳھدا ویسی۔ ایں موقع تے چیئرمین فلم پروڈیوسرز ایسوسی ایشن شیخ امجد ڳالھ کریندیں ہوئیں آکھیا جو سینما انڈسٹری دی بحالی کیتے حکومتی اقدامات نال فلم انڈسٹری کوں تقویت ملسی۔ وفد وفاقی وزیر اطلاعات تے نشریات کوں فلم انڈسٹری دے مسئلیاں بارے ݙسیا۔
