اسلام آباد۔23اگست (اے پی پی):نیشنل انسٹی ٹیوٹ آف ہیلتھ ( این آئی ایچ) آکھیے جو گزریل چووی گھنٹے اچ پورے ملک توں 11 ہزار 285 کورونا ٹیسٹ کیتے ڳئن ۔منڳل کوں این آئی ایچ ولوں جاری ٹویٹ اچ ݙسائے ڳئے اعدادوشمار موجب گزریل 24 گھنٹے اچ 11 ہزار 285 کورونا ٹیسٹ کیتے ڳئن جنہاں اچوں 217 لوکاں دے کورونا ٹیسٹ مثبت آئے ۔ مثبت کورونا ٹیسٹ دی شرح 1.92 فیصد رہی اے۔ کورونا وائرس توں2 مریض جاں بحق تھئن جݙاں جو 116 مریضاں دی حالت تشویشناک اے۔
