اسلام آباد۔23اگست(اے پی پی)نیشنل پرائس مانیٹرنگ کمیٹی (این پی ایم سی ) اشیائے ضروریہ دے ملھ دا جائزہ ڳھندے متعلقہ فریقین کوں قیمتاں تے اکھ رکھݨ اتے ذخیرہ اندوزاں دے خلاف کارروائی دی ہدایت کیتی اے۔ اے ہدایات این پی ایم سی اجلاس دی اڳواݨی کریندے وفاقی وزیر برائے منصوبہ بندی ،ترقی و خصوصی اقدامات پروفیسر احسن اقبال اتے وزیر مملکت برائے خزانہ ڈاکٹر عائشہ غوث پاشا ݙتن۔ اجلاس اچ …
حکومت لوکاں توں بھار ڳھٹاوݨ اتے مہانگ تے قابو پاوݨ اچ لڳی ہؤئی اے، وفاقی وزیرمنصوبہ بندی احسن اقبال
اسلام آباد۔23اگست(اے پی پی)نیشنل پرائس مانیٹرنگ کمیٹی (این پی ایم سی ) اشیائے ضروریہ دے ملھ دا جائزہ ڳھندے متعلقہ فریقین کوں قیمتاں تے اکھ رکھݨ اتے ذخیرہ اندوزاں دے خلاف کارروائی دی ہدایت کیتی اے۔ اے ہدایات این پی ایم سی اجلاس دی اڳواݨی کریندے وفاقی وزیر برائے منصوبہ بندی ،ترقی و خصوصی اقدامات پروفیسر احسن اقبال اتے وزیر مملکت برائے خزانہ ڈاکٹر عائشہ غوث پاشا ݙتن۔ اجلاس اچ چیف اکانومسٹ، چیف ادارہ شماریات اتے ٻئے حکام شرکت کیتی۔ احسن اقبال آکھیا جو قیمتآں تے قابو پاوݨ کیتے این پی ایم سی دا اجلاس ہݨ ہفتہ وار کیتا ویسی، مہانگ دی وجہ قیمتآں اچ عالمی ودھارا، آئی ایم ایف دی شرائط اتے پی او ایل سودھا یوٹیلیٹیز ٹیرف ودھݨ ہین، روپے دی قدر ڳھٹݨ وی ہک وجہ اے۔ وفاقی وزیر منصوبہ بندی ادارہ شماریات کوں ہر اجلاس اچ ڈیٹا تجزیہ رپورٹ شیئر کرݨ دی ہدایت کیتی اے۔
