الیکشن کمیشن دا سیلا ب متاثرین کیتے ملازمین دی ھک ، افسران دی ݙو ݙینھ وار دی تنخواہ عطیہ کرݨ دا اعلان

اسلام آباد۔25اگست (اے پی پی):الیکشن کمیشن آف پاکستان پورے ملک اچ اڄوکے طوفاننی مینھ تے سیلاب متاثرین کیتے گریڈ 7توں گریڈ 16 تئیں دے ملازمین دی ھک ݙینھ دی تنخواہ تے گریڈ 17توں 22 تئیں دے ملازمین دی 2 ݙینھ دی تنخواہ دا عطیہ ݙے ݙتے۔خمیس کوں ترجمان الیکشن کمیشن دی طرفوں جاری بیان موجب ممبران الیکشن کمیشن سودھے چیف الیکشن کمشنر وی 2 ݙینھ دی تنخواہ سیلاب متاثرین کیتے عطیہ کر ݙتی اے ۔ݙکھ اتے سانحے دے ایں ویلھے الیکشن کمیشن آف پاکستان قوم دے نال برابر شریک اے۔