پاک فضائیہ بلوچستان،سندھ اتے جنوبی پنجاب دے سیلاب متاثرہ علاقیں اچ 12375 پاؤنڈ امدادی سامان ونڈیے، ترجمان

اسلام آباد۔25اگست (اے پی پی):پاک فضائیہ دی طرفوں بلوچستان،سندھ اتے جنوبی پنجاب دے سیلاب متاثرہ علاقیں اچ 12375 پاؤنڈ امدادی سامان ونڈیا ڳئے جݙاں جو 24 گھنٹے اچ پاک فضائیہ دے قائم کیتے ڳئے فیلڈ ہسپتالاں اچ پی اے ایف دے ڈاکٹراں اتے پیرا میڈیکل اسٹاف دیاں ٹیماں 346 مریضاں دا مفت علاج کیتے تے انہاں کوں دوائیں ݙتن ۔ ترجمان پاک فضائیہ موجب پاک فضائیہ بلوچستان، سندھ اتے جنوبی پنجاب دے سیلاب توں متاثرہ علاقیں اچ ریسکیو اتے ریلیف آپریشن جاری رکھیا ہویا اے ۔ آپریشن دے دوران اڄوکے طوفانی مینھ تے سیلاب توں متاثر تھیوݨ آلے لوکاں کیتے امدادی سرگرمیاں جاری ہن ۔ پی اے ایف دی ایمرجنسی ریسپانس ٹیماں سیلاب زدگان کوں محفوظ جاہ تے منتقل کرݨ اچ مسلسل مصروف ہن ، پورے ملک اچ خاص طور تے سیلاب آلے علاقیں اچ نامساعد موسمی حالات دے باوجود پی اے ایف اہلکار سیلاب متاثرین کوں انسانی ہمدردی دی بنیاد تے امداد ݙیوݨ اچ کوشاں ہن ۔