اسلام آباد۔25اگست (اے پی پی):وزیراعظم شہبازشریف دورہ قطر ویلھے پرتپاک استقبال اتے بہترین مہمان نوازی تے امیر قطر شیخ تمیم بن حمد ال ثانی داشکریہ ادا کریندے ہوئیں آکھیے جو پاکستان تے قطرسانجھے تعلقات کوں ٻیا ودھاوݨ کیتے پرعزم ہن ۔ خمیس کوں آپݨے ٹویٹ اچ وزیراعظم آکھیے جو او قطر دا اپݨا اہم دورہ مکݨ توں بعد پاکستان واپس ویندے پئن ، انہاں پرتپاک استقبال اتے بہترین مہمان نوازی …
پاکستان تے قطر سانجھے تعلقات کوں ٻیا ودھاوݨ کیتے پرعزم ہن ، وزیراعظم شہبازشریف
اسلام آباد۔25اگست (اے پی پی):وزیراعظم شہبازشریف دورہ قطر ویلھے پرتپاک استقبال اتے بہترین مہمان نوازی تے امیر قطر شیخ تمیم بن حمد ال ثانی داشکریہ ادا کریندے ہوئیں آکھیے جو پاکستان تے قطرسانجھے تعلقات کوں ٻیا ودھاوݨ کیتے پرعزم ہن ۔ خمیس کوں آپݨے ٹویٹ اچ وزیراعظم آکھیے جو او قطر دا اپݨا اہم دورہ مکݨ توں بعد پاکستان واپس ویندے پئن ، انہاں پرتپاک استقبال اتے بہترین مہمان نوازی تے قطر دی حکومت تے عوام بالخصوص امیر قطر شیخ تمیم بن حمدال ثانی دا شکریہ اداکیتے۔ وزیراعظم آکھیے جو انہاں دے دورہ قطر دے ݙو پہلو قابل ذکر ہن ، ھک اے جو پاکستان تے قطر مستقبل دے حوالے نال ھک واضح وژن رکھیندن تے تکھے بدلدی ہوئی دنیا اچ نویں موقع تے رستے موجود ہن، ݙوجھا اے جو اساکوں اقتصادی تعاون کوں ݙوطرفہ تعلقات دا محور بݨا تے ݙو طرفہ تعلقات کوں اڳوں ودھاوݨ دا ادراک اے ۔ وزیراعظم آکھیے جو انہاں دی قطر دے امیر شیخ تمیم بن حمد ال ثانی نال ٻہوں چنڳی ملاقات تھئی اے جیں اچ اساں آپݨے بہترین ݙو طرفہ تعلقات کوں اسٹریٹجک انگیجمنٹ دی اڳلی سطح تئیں گھن ونڄݨ دا فیصلہ کیتے ، انہاں پاکستانی معیشت دے مختلف شعبیں اچ قطر دی طرفوں 3 ارب ڈالر دی سرمایہ کاری تے امیر قطر دا شکریہ اداکیتے۔
