اسلام آباد۔25اگست(اے پی پی)وفاقی وزیر موسمیاتی تبدیلی سینیٹر شیری رحمٰن آکھیے جو ساوݨ دی شدت پاروں انسانی بحران سامݨے آئے جیہڑا ملک دا وݙا مسئلہ ٻݨیا ہوئے، ریلیف کیتے اقدامات تھیندے پن اتے قومی ایمرجنسی لا ݙتی اے، نقصانات دا جائزی ڳھدا ویندا پئے جیندے نال بچائو اتے امداد اچ مدد ملسی۔ پریس کانفرنس کریندے انہاں آکھیا جو میڈیا سیلاب زدگان دی حالت زار اڳونہی کرے جو لوکاں دی چنڳی …
ساوݨ دی شدت پاروں انسانی بحران سامݨے آئے، ریلیف کیتے اقدامات تھیندے پن، وفاقی وزیر موسمیاتی تبدیلی شیری رحمٰن دی نیوز کانفرنس
اسلام آباد۔25اگست(اے پی پی)وفاقی وزیر موسمیاتی تبدیلی سینیٹر شیری رحمٰن آکھیے جو ساوݨ دی شدت پاروں انسانی بحران سامݨے آئے جیہڑا ملک دا وݙا مسئلہ ٻݨیا ہوئے، ریلیف کیتے اقدامات تھیندے پن اتے قومی ایمرجنسی لا ݙتی اے، نقصانات دا جائزی ڳھدا ویندا پئے جیندے نال بچائو اتے امداد اچ مدد ملسی۔ پریس کانفرنس کریندے انہاں آکھیا جو میڈیا سیلاب زدگان دی حالت زار اڳونہی کرے جو لوکاں دی چنڳی مدد تھیوے، متلعقہ اداریاں اتے ڄڳ کوں بچائو اتے امداد کیتے سوکھ تھیوے۔ شیری رحمٰن آکھیا جو صرف اگست اچ معمول توں 241 فیصد ودھ بارشاں تھین، ملک دے جنوبی حصے خاص کر سندھ اچ معمول توں ساوݨ اچ اوسط توں 784 فیصد ودھ بارشاں تھین، چھل نال وݙا جانی و مالی ضیان تھئے، فصلاں کوں نقصان پڄیے، انفراسٹرکچر تباہ تھئے ایں سانڳے ودھ امداد دی لوڑھ اے جیندے کیتے رابطے ودھائے ویندے پن، متاثرین دی پوری مدد کیتی ویسی۔
