وزیراعظم دا کھیݙاں دےو دھارے کیتے محکمانہ کھیݙاں توں پابندی ہٹاوݨ دا اعلان

اسلام آباد۔25اگست(اے پی پی)وزیراعظم محمد شہباز شریف ملک اچ کھیݙاں دےو دھارے کیتے محکمانہ کھیݙاں توں پابندی چاوݨ دا اعلان کریندے آکھیے جو دولت مشترکہ اتے اسلامی یکجہتی کھیݙاں اچ پاکستانی کھلاڑیاں دی مثالی کارکردگی ڄڳ اچ پاکستان دا ماݨ ودھائے، پوری قوم کوں اپݨے کھلاڑیاں تے ماݨ اے، اساں سارے نینگر کھیݙاڑیاں دی حوصلہ افزائی کریسوں، اڄوکے سیلاب نال نبرݨ ہک وفا چیلنج اے، سیلاب متاثرین کوں ولا آباد کریسوں۔ اے ڳالھ انہاں وزیراعظم ہائوس اچ دولت مشترکہ اتے اسلامی یکجہتی کھیݙاں اچ ملک دا ناں اچا کرݨ آلے کھیݙاڑیاں دے اعزاز اچ تقریب نال خطاب کریندے آکھی۔ وزیراعظم آکھیا جو امید اے جو پاکستان کھیݙ دے میدان اچ اپݨیاں کامیابیاں جاری رکھسی اتے نویں کھیݙاڑیاں دی حوصلہ افزائی تھیسی، نیگراں کوں ودھ موقع ݙیسوں جو باصلاحیت کھیݙاڑی اڳو تے آون، جیکر ہمت ہوسی تاں ترقی آپ تہاݙے پچھو آسی۔ انہاں آکھیا جو سیلاب دی سورتھال چنتے آلی اے، متاثرین دی پوری ٻھال کیتی ویسی، جتلا وی تھی سقیا اقدامات کریسوں۔ چھیکڑ تے انہاں دولت مشترکہ اتے اسلامی یکجہتی کھیݙاں اچ میڈلز جیتݨ آلے کھلاڑیاں الطاف الرحمن، شاہ حسین شاہ، عنایت ﷲ، علی اسد، زمان انور، شریف طاہر، محمد انعام، نوح دستگیر بٹ اتے ارشد ندیم کوں انعام وی ونݙین۔