وزیرِ اعظم بجلی دے صارفین دی شکایات دور کرݨ کیتے اعلی سطح دی کمیٹی قائم ،200 یونٹ تئیں دے ٻلز اچ اعلان کیتے ڳئے ریلیف24 گھنٹے اچ شامل کرݨ دی ہدایت کیتی اے ،مریم اورنگزیب

اسلام آباد۔26اگست (اے پی پی):وفاقی وزیر اطلاعات و نشریات مریم اورنگزیب آکھیے جو ‏وزیرِ اعظم بجلی دے صارفین دی شکایات دور کرݨ کیتے اعلی سطح دی کمیٹی قائم کرݙتی اے ،وزیراعظم 200 یونٹ تئیں دے بجلی صارفین دے ٻلز اچ اعلان کیتے ڳئے ریلیف کوں 24 گھنٹے اچ رلاوݨ دی ہدایت کیتی اے ۔ جمعہ کوں آپݨے ٹویٹ اچ وفاقی وزیر مریم اورنگزیب آکھیے جو وزیراعظم دی ہدایت اے جو 24 گھنٹے دے اندر ریلیف دے تحت صارفین دے ٻلز کوں گھٹ کیتا ونڄے ۔بجلی دے بلز دی تصحیح کیتے ڈسکوز دا اسٹاف 24 گھنٹےکم کریسی ، بلز دی تصحیح کیتے سارے سٹاف دی چھٹیاں ختم کرݙتن، بلز جمع کراوݨ کیتے بینک چھٹیاں دے ݙینھاں اچ کھلے رہسن ۔