سیلاب اتے مینھ توں وݙی تباہی تھئی اے ، متاثرین دی مدد تے بحالی کیتے سارے وسائل استعمال کریسوں ، وزیراعظم شہباز شریف

اسلام آباد۔26اگست (اے پی پی):وزیراعظم شہبازشریف آکھیے جو اڄوکے سیلاب تے مینھ پاروں پورے ملک اچ وݙی تباہی تھئی اے ، متاثرین دی مدد اتے بحالی کیتے سارے وسائل استعمال کریسوں تے بین الاقوامی برادری دے تعاون نال متاثرہ علاقیں دی نویں سروں تعمیر اتے متاثرین دی آبادکاری کیتی ویسی ، جمعے کوں آپݨے ٹویٹس اچ وزیراعظم شہباز شریف آکھیے جو انہاں اسلام آباد اچ رہݨ آلے سفارتکاراں ، ہائی کمشنرز اتے سینئر سفارتی عملے نال ملاقات کیتی اے تے انہاں کوں پورے ملک اچ اڄوکے سیلاب تے مینھ پاروں تھیوݨ آلی تباہی بارے ݙسائے ، ۔وزیراعظم آکھیے جو اقتصادی امور ڈویژن، نیشنل ڈیزاسٹر مینجمنٹ اتھارٹی شرکا کوں سیلاب توں تھیوݨ آلے ضیان تے حکومت دی طرفوں ہݨ تئیں کیتے ڳئے اقدامات دا وی ݙسائے، وزیراعظم آکھیے جو سیلاب پاروں وݙے پیمانے تے مالی تے جانی ضیان تھئن تاں جو ہݨ ضیان دا تخمینہ لاتا ویندا پئے ۔ وزیراعظم بین الاقوامی برادری ولوں اظہار ہمدردی تے تعاون دا یقین ݙیواوݨ تے انہاں دا شکریہ ادا کیتے۔ وزیراعظم آکھیے جو اساں رل تے نویں سروں تعمیر تے آبادکاری کوں یقینی بݨیسوں۔