پاکستان تے ترکیہ دے تعلقات ہمیشہ مثالی رہئن، بھرا ملک ترکیہ دی سیلاب متاثرین کیتے امداد تے شکریہ ادا کریندوں ،چیئرمین سینیٹ محمدصادق سنجرانی

اسلام آباد۔29اگست (اے پی پی):چیئرمین سینیٹ محمدصادق سنجرانی آکھیے جو پاکستان تے ترکیہ دے تعلقات ہمیشہ مثالی رہئن، بھرا ملک ترکیہ دی سیلاب متاثرین کیتے امداد تے شکریہ ادا کریندوں ۔ سینیٹ سیکرٹریٹ موجب اے ڳالھ انہاں ترکیہ دی گرینڈ نیشنل اسمبلی دے سپیکر مصطفی سنتوپ نال ٹیلیفون تے ڳالھ مہاڑ کریندے ہوئیں آکھی اے ۔ چیئرمین سینیٹ آکھیے جو بھرا ملک ترکیہ ولوں اوکھے ویلھے امداد ݙیوݨ تے شکریہ ادا کریندوں۔محمد صادق سنجرانی آکھیے جو ݙوہیں ملکاں ہمیشہ ھک ݙوجھے دی مدد کیتی اے ، انہاں آکھیے جو ݙوہیں ملکاں دے عوام تے حکومتاں وچال ہم آہنگی قابل تعریف اے۔ہر اہم فورم تے ݙوہیں ملکاں ھک ݙوجھے دے موقف دی حمایت کیتی اے ۔پارلیمانی رابطے ودھاوݨ کیتے ݙوہیں ملکاں وچال تعلقات مزید مستحکم تھیسن ۔ سپیکر مصطفیٰ سنتوپ آکھیے جو پاکستان دے اوکھے ویلھے ہر ممکن مدد کیتی ویسی ۔