مریم نواز دا جنوبی پنجاب دے سیلاب آلے علاقیں دا دورہ ، ملتان توں براستہ سڑک تونسہ روانہ

ملتان۔29اگست (اے پی پی):پاکستان مسلم لیگ (ن) دی نائب صدر مریم نواز جنوبی پنجاب دے سیلاب آلے علاقیں دا دورہ کریندیان پئن ، مریم نواز سنوار دی سویل خصوصی طیارے دے ذریعے ملتان ایئرپورٹ پڄن۔ انہاں دے شوہر کیپٹن صفدر، سابق وزیر اطلاعات پرویز رشید اتے وفاقی وزیرداخلہ رانا ثناءاللہ وی انہاں دے رلے ہن ۔ مریم نواز اپݨی آمد دے وختی بعد ملتان توں براستہ سڑک تونسہ کیتے روانہ تھی ڳئن ۔ جنوبی پنجاب دے متاثرہ علاقیں دے دورے دے موقع تے او تونسہ، راجن پور اتے ڈیرہ غازی خان ویسن ۔ انہاں دا اے دورہ چار توں پنج ݙینھ تئیں جاری رہݨ دا امکان اے ۔