پاک فوج دی طرفوں 16 ٹن راشن سیلاب متاثرہ علاقیں کوں بھجوایا ڳئے، آئی ایس پی آر

اسلام آباد۔29اگست (اے پی پی):پاک فوج دی طرفوں 16 ٹن راشن سیلاب متاثرہ علاقیں کوں بھجوایا ڳئے ، آئی ایس پی آر توں جاری بیان موجب آرمی ریلیف سینٹر دی طرفوں ملک دیاں وکھو وکھ جہیں تے ریلیف آئٹمز بھجوائے ڳئن، لاہور کور دی طرفوں 8 ٹن خوراک لاہور توں صعبت پور ، بلوچستان بھجوائی ڳئی ، راولپنڈی کور دی طرفوں کے پی کے دے علاقے ڈی آئی خان اچ 4 ٹن راشن بھجوایا ڳئے جݙاں جو گوجرانوالہ کور دی طرفوں سیالکوٹ توں پنوں عاقل 4 ٹن راشن بھجوایا ڳئے ۔