اسلام آباد۔31اگست (اے پی پی):صدر مملکت ڈاکٹر عارف علوی تاجر برادری خاص طور تے چھوٹے تاجراں اتے صنعتاں تے زور ݙتے جو او سیلاب نال نبݨݨ دیاں کوششاں اچ دل کھول تے حصہ پاون تے سیلاب توں متاثر ہم وطناں دی مدد کرن ، تاجر برادری اپݨے کاروبار اتے برآمدات کوں ودھاوݨ سودھے ملک دی موجودہ معاشی اوکھ تے قابو پاوݨ کیتے جدید انفارمیشن تے کمیونیکیشن ٹیکنالوجی ٹولز کوں اپناون …
تاجر برادری سیلاب نال نبݨݨ دیاں کوششاں اچ دل کھول تے حصہ پاوے ،صدر مملکت دا اسلام آباد چیمبر آف سمال ٹریڈرز اینڈ سمال انڈسٹریز دی تقریب توں خطاب
اسلام آباد۔31اگست (اے پی پی):صدر مملکت ڈاکٹر عارف علوی تاجر برادری خاص طور تے چھوٹے تاجراں اتے صنعتاں تے زور ݙتے جو او سیلاب نال نبݨݨ دیاں کوششاں اچ دل کھول تے حصہ پاون تے سیلاب توں متاثر ہم وطناں دی مدد کرن ، تاجر برادری اپݨے کاروبار اتے برآمدات کوں ودھاوݨ سودھے ملک دی موجودہ معاشی اوکھ تے قابو پاوݨ کیتے جدید انفارمیشن تے کمیونیکیشن ٹیکنالوجی ٹولز کوں اپناون ، اپݨی مصنوعات دی قدر ودھاون تے نویاں منڈیاں ڳولن ، صدر مملکت اے ڳالھ ایوان صدر اچ اسلام آباد چیمبر آف سمال ٹریڈرز اینڈ سمال انڈسٹریز (آئی سی ایس ٹی اینڈ ایس آئی)دی اچیومنٹ ایوارڈز ݙیوݨ دی تقریب توں خطاب کریندے ہوئیں آکھی اے ۔ تقریب اچ صدر آئی سی ایس ٹی اینڈ ایس آئی محمد زاہد تے تاجر برادری دے رہنماواں تے ارکان شرکت کیتی ۔ صدر مملکت تقریب توں خطاب کریندے ہوئیں ملک دے انسانی وسائل اچ سرمایہ کاری کرݨ دی لوڑھ تے زور ݙیندے ہوئیں آکھیے جو معیشت دے ٻہوں سارے شعبیں اچ خصوصاً آئی ٹی دے شعبے اچ ساݙے نینگراں تے تریمتاں دی آبادی کوں بہتر بݨاوݨ نال پاکستان کوں تکھی رفتار اچ ترقی کرݨ اچ مدد مل سڳدی اے ، پاکستان کوں علم تے مبنی معیشت دی ترقی تے توجہ ݙیوݨی چاہیدی اے تے ملک کوں ترقی دے رستے ٹورݨ کیتے بے پناہ انسانی وسائل کوں جدید ترین تکنیکی مہارتاں نال آراستہ کرݨا چاہیدے ۔
