وزیر اعظم شہباز شریف اڄ خیبرپختونخوا دے سیلاب توں متاثرہ ضلعیں سوات اتے لوئر کوہستان دا دورہ کریسن

اسلام آباد۔31اگست (اے پی پی) وزیر اعظم شہباز شریف اڄ خیبرپختونخوا دے سیلاب توں متاثرہ ضلعیں سوات اتے لوئر کوہستان دا دورہ کریسن ۔وزیراعظم آفس دےمیڈیا ونگ موجب وزیراعظم ضلع سوات اچ کالام تے کانجو جݙاں جو ضلع لوئر کوہستان اچ پتݨ ویسن ۔وزیر اعظم کوں سیلاب پاروں تھیوݨ آلے ضیان تے امدادی سرگرمیاں تے بریفنگ ݙتی ویسی -وزیر اعظم امدادی کماں دا جائزہ گھنسن تے سیلاب متاثرین نال ملاقات وی کریسن ۔