ڈیرہ غازی خان ۔1ستمبر (اے پی پی):صدر مملکت ڈاکٹر عارف علوی سیلاب متعلق وارننگ سسٹم کوں مزید بہتر بݨاوݨ دی لوڑھ تے زور ݙیندے ہوئیں آکھیے جو سیلاب تے قابو پاوݨ اتے پاݨی ذخیرہ کرݨ دی صلاحیت ودھاوݨ کیتے ݙیم بݨاوݨ ضروری ہن۔ ایوان صدر دے پریس ونگ توں جاری بیان موجب صدر مملکت اے ڳالھ خمیس کوں سیلاب توں متاثرہ علاقے دا دورہ کرݨ ویلھے ڈیرہ غازی خان ضلعی …
سیلاب تے قابو پاوݨ کیتے ڈیماں بݨاوݨ ضروری ہن ، کاشتکاراں تے کساناں کوں فصلاں دی انشورنش کراوݨ دی ترغیب ݙتی وںڄے ، صدر ڈاکٹر عارف علوی
ڈیرہ غازی خان ۔1ستمبر (اے پی پی):صدر مملکت ڈاکٹر عارف علوی سیلاب متعلق وارننگ سسٹم کوں مزید بہتر بݨاوݨ دی لوڑھ تے زور ݙیندے ہوئیں آکھیے جو سیلاب تے قابو پاوݨ اتے پاݨی ذخیرہ کرݨ دی صلاحیت ودھاوݨ کیتے ݙیم بݨاوݨ ضروری ہن۔ ایوان صدر دے پریس ونگ توں جاری بیان موجب صدر مملکت اے ڳالھ خمیس کوں سیلاب توں متاثرہ علاقے دا دورہ کرݨ ویلھے ڈیرہ غازی خان ضلعی انتظامیہ دی طرفوں ݙتی ونڄݨ آلی بریفنگ اچ آکھی اے ۔ صدر ڈیرہ غازی خان اچ 3 لکھ ایکڑ توں ودھ رقبے تے کھڑیاں فصلاں، قیمتی جانی و مالی ضیان تے ہزاروں عمارتاں کوں تھیوݨ آلے ضیان تے تشویش دا اظہار کیتے۔ صدر مملکت آکھیے جو لوکاں دے جان و مال، مال ڈھور ، گھراں تے فصلاں کوں تھیوݨ آلے ضیان دا ازالہ کرݨ حکومت دی پہلی ترجیح ہووݨی چاہیدی اے ، انہاں سیلاب متعلق وارننگ سسٹم کوں مزید بہتر بݨاوݨ دی لوڑھ تے زور ݙتا ۔ صدر ڈاکٹر عارف علوی آکھیے جو ڈیرہ غازی خان اچ پہاڑی سیلاب دے پاݨی کوں ذخیرہ کرݨ کیتے ڈیلے ایکشن ڈیماں دی تعمیر تے توجہ ݙتی ونڄے ، انہاں آکھیے سیلاب تے قابو پاوݨ تے پانی ذخیرہ کرݨ دی صلاحیت ودھاوݨ کیتے وݙے ݙیم بݨاوݨ دی لوڑھ اے ۔ صدر مملکت آکھیے جو حکومت دی طرفوں سیلاب متاثرین دے ضیان دا وختی ازالہ کرݨ دی لوڑھ اے ، فصلاں دی انشورنس کراوݨ تے آفتاں پاروں کساناں تے کاشتکاراں دے ضیان کوں پورا کیتا ونڄ سڳدے۔ صدر ڈاکٹر عارف علوی آکھیے جو کاشتکاراں تے کساناں کوں فصلاں دی انشورنش کراوݨ دی ترغیب ݙتی ونڄے ، سیلاب دے بعد بیماریاں کھنڈݨ کوں روکݨ تے صحت دیاں ضرورتاں پورا کرݨ تے خصوصی توجہ ݙتی ونڄے۔
