سیلاب توں متاثر تھیوݨ آلے علاقیں اچ پاک فوج دا ریسکیو اینڈ ریلیف آپریشن جاری ، 50 ہزار توں ودھ لوکاں کوں محفوظ جاہ تے منتقل کیتا ڳئے ،آئی ایس پی آر

اسلام آباد۔1ستمبر (اے پی پی):سیلاب متاثرہ علاقیں اچ پاک فوج دا ریسکیو اینڈ ریلیف آپریشن جاری اے، متاثرہ علاقیں توں 50 ہزار توں ودھ لوکاں کوں محفوظ جاہ تے منتقل کیتا ڳئے ۔آئی ایس پی آر موجب خیبرپختونخوا کیتے آرمی فلڈ کنٹرول ہیلپ لائن 1125 اتے ٻئے علاقیں کیتے 1135 ہیلپ لائن فعال اے، شہری کہیں وی مدد کیتے انہاں ایمرجنسی نمبرز تے رابطہ کرسڳدوں ۔پاک فوج دے 157 ہیلی کاپٹرز ھک ہزار 87 پھتے لوکاں کوں کڈھیا ، آرمی ایوی ایشن دے ذریعے 72 ٹن امدادی سامان پڄایا ڳئے جݙاں جو متاثرہ علاقیں توں 50 ہزار توں ودھ لوکاں کوں محفوظ جاہ تے منتقل کیتا ڳئے ، مختلف میڈیکل کیمپاں اچ 51 ہزار توں ودھ مریضاں دا علاج کیتا ڳئے مفت دوائیں ݙتیاں ڳئن ، پورے ملک اچ امدادی سامان جمع کرݨ کیتے 221 ریلیف پوائنٹس بݨائے ڳئن ، انہاں پوائنٹس تے ھک ہزار 231 ٹن امدادی چیزاں ،غذائی چیزاں تے دوائیں جمع کیتیاں ڳئن جیڑھیاں جو متاثرہ علاقیں کوں پڄائیاں ویندیاں پئن ۔ایف ڈبلیو او نیشنل ہائی وے اتھارٹیز نال رل تے قراقرم ہائی وے تے جگلوٹ سکردو روڈ دی وختی بحالی کوں یقینی بݨائے ، سندھ اچ ریسکیو اینڈ ریلیف آپریشن کوں ودھاوݨ کیتے اضافی انجینئر تے طبی عملہ کراچی منتقل تھی ڳئن ۔