کراچی۔1ستمبر (اے پی پی):پاک بحریہ داملک اچ سیلاب آلے علاقیں اچ ریلیف اینڈ ریسکیو آپریشن جاری اے ۔جاری اعلامیہ موجب پاک بحریہ دے جوان سندھ دے مختلف علاقیں جیندے اچ سانگھڑ، تحصیل مہر، سلطان کوٹ، شاہ بندر، کوڈاریو، دولت پور، چوھڑجمالی، سجاول اتے ٹھٹھہ اچ امدادی کاروائیاں اچ حصہ گھندے پئن ۔ پاک بحریہ سندھ دے نال نال امدادی کاروائیاں دا دائرہ کار پنجاب اتے خیبر پختونخواہ دے سیلاب آلے …
پاک بحریہ دا سیلاب آلے علاقیں اچ ریلیف اینڈ ریسکیو آپریشن جاری
کراچی۔1ستمبر (اے پی پی):پاک بحریہ داملک اچ سیلاب آلے علاقیں اچ ریلیف اینڈ ریسکیو آپریشن جاری اے ۔جاری اعلامیہ موجب پاک بحریہ دے جوان سندھ دے مختلف علاقیں جیندے اچ سانگھڑ، تحصیل مہر، سلطان کوٹ، شاہ بندر، کوڈاریو، دولت پور، چوھڑجمالی، سجاول اتے ٹھٹھہ اچ امدادی کاروائیاں اچ حصہ گھندے پئن ۔ پاک بحریہ سندھ دے نال نال امدادی کاروائیاں دا دائرہ کار پنجاب اتے خیبر پختونخواہ دے سیلاب آلے علاقیں تئیں ودھا ݙتے ۔ پاک بحریہ دے جوان کشتیاں تے ہیلی کاپٹرز دے ذریعے سیلاب آلے علاقیں اچ پتھے لوکاں کوں محفوظ جاہ تے منتقل کریندے پئن ۔پاک بحریہ دی طرفوں متاثرین اچ راشن بیگ، تیار کھاݨا، صاف پاݨی اتے ٻیں ضروریات زندگی دا سامان ݙتا ویندا پئے ۔ پاک بحریہ دی طرفوں راجن پور، سانگھٹر اتے ڈی آئی خان اچ میڈیکل کیمپس توں علاوہ مختلف علاقیں اچ موبائل میڈیکل ٹیماں وی کم کریندیاں پئن۔ پاک بحریہ دے نینگراں ڈیرہ اسماعیل خان اچ چشمہ روڈ دی عارضی مرمت توں بعد اینکوں عام ٹریفک کیتے کھول ݙتے۔
