اسلام آباد۔20ستمبر (اے پی پی) ایشیائی ترقیاتی بینک حکومت پاکستان دے چھل متاچرین اتےمتاثرہ علاقیاں دی بحالی کیتے ہنگامی امدادی کماں کیتے 30 لکھ ڈالر امداد دی منظوری ݙے ݙتی اے۔ اے گرانٹ کاشتکاراں دی فصلاں دے نقصان دے ازالے ، بنیادی ڈھانچے دی ولا تعمیر اتے متاثرین دی آباد کاری اچ مدد کیتے ݙتی ڳئی اے۔ تفصیل موجب ایشیائی ترقیاتی بینک ولوں پاکستان دے چھل متاثرین کیتے وݙے پیکیج دی منظوری ݙتی اے، ایشیا پیسیفک ڈیزاسٹر ریسپانس فنڈ (APDRF) توں معالی تعاون ݙتی ڳئی اے گرانٹ پورے ملک اچ چھل متاثرین دی امداد کیتے خوراک دا سامان، خیمے اتے بئے امدادی سامان کیتے ݙتی ڳئی اے۔ اے ڈی بی دے ڈائریکٹر جنرل برائے وسطی اتے مغربی ایشیا یوگینی زوکوف آکھیا جو اے ڈی بی اوکھے ویلھے پاکستان دی عوام نال اے۔
