نیویارک ۔22ستمبر (اے پی پی):وزیر خارجہ بلاول بھٹو زرداری ہنگری دے وزیر خارجہ اتے تجارت پیٹرززیجارتو نال اقوام متحدہ دی جنرل اسمبلی دے 77ویں اجلاس دے موقع تے ملاقات کیتی اے ۔ دفتر خارجہ موجب ݙوہیں رہنماواں وچال اے ملاقات نیویارک اچ تھئی اے ۔ وزیر خارجہ آکھیے جو پاکستان ہنگری نال ݙوطرفہ اتے یورپی یونین دے تناظر اچ آپݨے تعلقات کوں ٻہوں اہمیت ݙیندے ۔ ملاقات اچ ݙوطرفہ تعلقات …
وزیر خارجہ بلاول بھٹو زرداری نال ہنگری دے وزیر خارجہ دی ملاقات
مزید خبراں
نیویارک ۔22ستمبر (اے پی پی):وزیر خارجہ بلاول بھٹو زرداری ہنگری دے وزیر خارجہ اتے تجارت پیٹرززیجارتو نال اقوام متحدہ دی جنرل اسمبلی دے 77ویں اجلاس دے موقع تے ملاقات کیتی اے ۔ دفتر خارجہ موجب ݙوہیں رہنماواں وچال اے ملاقات نیویارک اچ تھئی اے ۔ وزیر خارجہ آکھیے جو پاکستان ہنگری نال ݙوطرفہ اتے یورپی یونین دے تناظر اچ آپݨے تعلقات کوں ٻہوں اہمیت ݙیندے ۔ ملاقات اچ ݙوطرفہ تعلقات دے سارے شعبیں دا احاطہ کیتا ڳئے جیں اچ سیاسی، اقتصادی اتے تجارتی، ثقافت، دفاع اتے عوام توں عوام دے رابطے متعلق امور شامل ہن۔ ݙوہیں فریقاں ݙو طرفہ تعلقات اچ اڄوکی پیش رفت دا وی جائزہ ڳھدا تے مختلف شعبیں اچ تعاون ودھاوݨ دی خواہش دا اظہار کیتے ، ݙو طرفہ تجارتی تے اقتصادی تعلقات کوں ودھاوݨ تے خصوصی توجہ ݙیندے ہوئیں وزیر خارجہ تجویز پیش کیتی جو ہنگری پاکستان اچ سرمایہ کار دوست ماحول توں فیدہ چاتے پاکستانی کمپنیاں نال خاص طور تے خصوصی اقتصادی زونز اچ مشترکہ منصوبے شروع کر سڳدے۔ فریقین سانجھی دلچسپی دے علاقائی اتے بین الاقوامی امور دا وی جائزہ ڳھدا۔
