نیویارک۔22ستمبر(اے پی پی)وزیر مملکت خارجہ امورحنا ربانی کھر آکھیے جو پاکستان اقلیتاں دے حقوق اتے تحفظ کوں اہمیت ݙیندے، ملکی آئین اچ ایندا پورا خیال رکھیا ڳئے۔ اے ڳالھ انہاں نیویارک اچ امریکی سفیر برائے بین الاقوامی مذہبی آزادی رشاد حسین نال ملݨ ویلھے آکھی۔ حنا ربانی کھر آکھیا جو مذہبی تنوع پاکستان دی طاقت اے اتے مذہبی اقلیتاں پاکستان دی سماجی و اقتصادی ترقی اچ اہم کردار ادا کرینداں …
وزیر مملکت امور خارجہ حنا ربانی کھر دی امریکی سفیر برائے بین الاقوامی مذہبی آزادی نال ملاقات
مزید خبراں
نیویارک۔22ستمبر(اے پی پی)وزیر مملکت خارجہ امورحنا ربانی کھر آکھیے جو پاکستان اقلیتاں دے حقوق اتے تحفظ کوں اہمیت ݙیندے، ملکی آئین اچ ایندا پورا خیال رکھیا ڳئے۔ اے ڳالھ انہاں نیویارک اچ امریکی سفیر برائے بین الاقوامی مذہبی آزادی رشاد حسین نال ملݨ ویلھے آکھی۔ حنا ربانی کھر آکھیا جو مذہبی تنوع پاکستان دی طاقت اے اتے مذہبی اقلیتاں پاکستان دی سماجی و اقتصادی ترقی اچ اہم کردار ادا کرینداں پن، پارلیمنٹ، عدلیہ و خدمات اچ انہاں دی بھرپور نمائندگی اے، انہاں کوں سیاسی مربوط کرݨ، نمائندگی ودھاوݨ کیتے ودھ کم تھیندا پئے۔ انہاں آکھیا جو ڄڳ کوں بھارت اچ ودھدی عدم برداشت، انتہا پسندی اتے اقلیتاں تے ظلم و ستم اتے بھارت دے غیر قانونی زیر تسلط جموں و کشمیر اچ کشمیریاں دے خلاف مسلسل جبر عالمی برادری بالخصوص امریکا کیتے چنتے دی ڳالھ ہووݨا چاہیدے۔ سفیر سیلاب نال وݙے نقصان تے افسوس کریندے مذہبی آزادی بارے امریکا نال پاکستان دے مسلسل روابط دی تعریف کیتی۔
