بیجنگ۔2 نومبر(اے پی پی)وزیرِ اعظم محمد شہباز شریف چین دے سرکاری دورے تے ہین۔ او بیجنگ اچ اہم ملاقاتاں کریندے پین اتے بدھ کوں انہاں چین دے صدر شی جن پنگ نال ملین جیندے بعد انہاں دی چین دے وزیراعظم لی کی کیانگ نال وی ملاقات تھیوݨی اے۔ وزیرِ اعظم کی چینی سرمایہ کاراں اتے پاکستانی تاجراں نال ملݨ ویلھے ݙوطرفہ تجارت و سرمایہ کاری دے موقع سانڳے الیسن ڄݙاں جو دورہ چین اچ پاک چین وچال پیک سودھا کثیر جہتی تعاون ٻیا تکڑا کرݨ سانڳے معاملیاںت ے وی تفصیلی ڳالھ مہاڑ تھیسی۔ وزیرِ اعظم دا اے ݙو ݙینھ دا سرکاری دورہ وزارتِ عظمیٰ ملݨ توں بعد چین دا پہلا دورہ اے۔ وفاقی وزرا، معاونین خصوصی اتے اعلیٰ سرکاری افسران وی دورے تے انہاں دے نال ہین۔
