اسلام آباد۔29نومبر(اے پی پی):وزیر مملکت داخلہ عبدالرجمان کانجو آکھیے جو چین پاکستان اقتصادی راہداری(سی پیک) نہ صرف ݙوہیں ملکاں بلکہ خطے کیتے گیم چینجر منصوبہ ثابت تھیسی ،پاکستان اتے چین وچال گھاٹے تعلقات ہن جیڑھے جو وقت دے نال نال مزید مستحکم تھیندے پئن۔ او منڳل کوں گلوبل پبلک سکیورٹی فورم دی پہلی کانفرنس اچ ویڈیو لنک دے ذریعے خطاب کریندے پئے ہن ۔ وزیر مملکت داخلہ عبدالرحمان کانجوآکھیے جو سکیورٹی چیلنجز نال نبݨݨ کیتے گلوبل پبلک سکیورٹی فورم دا قیام وقت دی اہم ضرورت ہئی۔ انہاں آکھیے چین تے پاکستان عالمی فورمز تے ھک ݙوجھے دی غیر مشروط حمایت کریندن۔ وزیر مملکت داخلہ شرکا کوں یقین ݙیوایا جو پاکستان اچ چینی ماہرین اتے شہریاں دی فول پروف سکیورٹی یقینی بݨاوݨ کیتے ہرممکن اقدامات چاتے ویندے پئن۔
