اسلام آباد۔1دسمبر (اے پی پی) صدر مملکت ڈاکٹر عارف علوی ہک مضبوط معاشرے اتے صحت مند ملک دی تعمیر بارے سارے شہریاں کوں ہکو سویں معیاری صحت دی سہولت ݙیوݨ دا عزم کریندیں ہوعیں آکھیا جو پاکستان ایڈز دے متاثرین کیتے ٹیسٹ اتے علاج دی خدمات بارے آپݨی خدمات دا اعادہ کریندے۔ اے ڳالھیں انہاں خمیس کوں ایڈز دے جڳ ݙیھاڑ تے اپݨے سنیھے اچ آکھی۔ صدرمملکت آکھیا جو اساں …
صدر ڈاکٹر عارف علوی دا سارے شہریاں کوں بلاامتیاز صحت دی معیاری خدمات ݙیوݨ دا عزم
مزید خبراں
اسلام آباد۔1دسمبر (اے پی پی) صدر مملکت ڈاکٹر عارف علوی ہک مضبوط معاشرے اتے صحت مند ملک دی تعمیر بارے سارے شہریاں کوں ہکو سویں معیاری صحت دی سہولت ݙیوݨ دا عزم کریندیں ہوعیں آکھیا جو پاکستان ایڈز دے متاثرین کیتے ٹیسٹ اتے علاج دی خدمات بارے آپݨی خدمات دا اعادہ کریندے۔ اے ڳالھیں انہاں خمیس کوں ایڈز دے جڳ ݙیھاڑ تے اپݨے سنیھے اچ آکھی۔ صدرمملکت آکھیا جو اساں قومی اتے صوبائی سطح تے ایچ آئی وی تے ردعمل کوں ٻیا مضبوط ٻݨاوݨ کیتے ڈیٹا تے مبنی حل دی حمایت، جانچ اتے علاج تئیں رسائی کوں ودھاوݨ، معاشرے دے کمزور طبقے کوں معاشی طور بااختیار ٻݨاوݨ اتے ایچ آئی وی دی بیماریاں اتے اوندے متاثرین نال جڑی بدنامی اتے امتیازی سلوک دے خاتمے کیتے اقدامات کریسوں۔ صدرمملکت سارے فریقین تے ہک واری ولا زور ݙتا جو او ایں بیماری کوں مکمل طور ہراوݨ کیتے آپݨا عزم کرن۔
