معروف سینئر اداکار افضال احمد لاہور اچ فوت تھی ڳین

اسلام آباد۔2دسمبر(اے پی پی) معروف سینئر اداکار افضال احمد لاہور اچ فوت تھی ڳین۔ انہاں کوں برین ہیمرج تھیوݨ تے جنرل ہسپتال پچایا ڳیا ہا جتھاں انہاں دی حالت خراب ہئی اتے او ہسپتال اچ فوت تھین۔ شوبز انڈسٹری اچ اداکار افضال احمد دا نویکلا ناں ہاں، انہاں فلم، ٹی وی تھیٹر اچ فن دا جادو ڄڳایا اتے لاہور اچ تماثیل تھیٹر وی شروع کیتا۔ او افضال چٹہ دے ناں نال مشہور ہن۔ انہاں جزیرہ، چل سو چل سودھا کئی ڈرامیاں اتے 200 توں ودھ فلماں اچ کم کیتے۔ انہاں دی مشہور فلماں اچ شعلے، شریف بدمعاش، وحشی جٹ، عشق نچاوے گلی گلی اتے ٻیاں فلماں ہن۔ افضال احمد 21 سال توں فالج دا شکار تھی تے وہیل چیئر تے آڳئے ہن۔