اسلام آباد۔3دسمبر (اے پی پی):وفاقی وزیرخزانہ ومحصولات سینیٹرمحمداسحاق ڈارآکھیے جو پاکستان ازبکستان نال تجارت، توانائی، تعلیم، سائنس و ٹیکنالوجی اتے ثقافتی تبادلیں سودھا مختلف شعبیں اچ ݙو پاسے تعلقات تے تعاون کوں اہمیت ݙیندے ۔ اے ڳالھ انہاں ہفتے کوں اتھاں پاکستان اچ جمہوریہ ازبکستان دے سفیر اویبک عثمانوف نال ملاقات اچ آکھی اے ۔ وزیر خزانہ سفیر دا خیرمقدم کیتا پاکستان تے ازبکستان وچال گھاٹے بھرپی آلے تعلقات، ثقافتی …
وزیرخزانہ اسحاق ڈارنال ازبکستان دے سفیردی ملاقات
مزید خبراں
اسلام آباد۔3دسمبر (اے پی پی):وفاقی وزیرخزانہ ومحصولات سینیٹرمحمداسحاق ڈارآکھیے جو پاکستان ازبکستان نال تجارت، توانائی، تعلیم، سائنس و ٹیکنالوجی اتے ثقافتی تبادلیں سودھا مختلف شعبیں اچ ݙو پاسے تعلقات تے تعاون کوں اہمیت ݙیندے ۔ اے ڳالھ انہاں ہفتے کوں اتھاں پاکستان اچ جمہوریہ ازبکستان دے سفیر اویبک عثمانوف نال ملاقات اچ آکھی اے ۔ وزیر خزانہ سفیر دا خیرمقدم کیتا پاکستان تے ازبکستان وچال گھاٹے بھرپی آلے تعلقات، ثقافتی اتے تاریخی رابطے دی اہمیت تے ڳالھ کیتی ۔وزیر خزانہ تے جمہوریہ ازبکستان دے سفیر ݙوہیں ملکاں وچال تعلقات کوں تکڑا کرݨ کیتے مختلف اقدامات تے ڳالھ کیتی۔ ازبکستان دے سفیر آکھیے جو انہاں دی حکومت پاکستان نال تجارت، سرمایہ کاری اتے کاروبار کوں ودھاوݨ دے ذریعے تعلقات ودھاوݨ تے گھاٹی دلچسپی رکھیندی اے ۔ انہاں اپݨی حکومت دی طرفوں وزیر خزانہ کوں پاک ازبک مشترکہ وزارتی اجلاس دی شریک صدارت کیتے جنوری 2023 اچ تاشقند دے دورے دی دعوت وی ݙتی ۔ وزیر خزانہ آکھیے جو حکومت پاکستان ازبکستان نال تجارت، توانائی، تعلیم، سائنس و ٹیکنالوجی اتے ثقافتی تبادلیں سودھے ٻہوں سارے شعبیں اچ ݙو پاسے تعاون کوں ٻہوں اہمیت ݙیندی اے ۔ انہاں ازبک سفیر کوں پاکستان اچ سرمایہ کاری دے موقع دا وی ݙسایا۔ وزیر خزانہ سفیر دا شکریہ ادا کیتے تے مختلف شعبیں اچ ݙوہیں ملکاں وچال ݙو طرفہ تعلقات کوں ودھاوݨ کیتے مکمل تعاون دا یقین ݙیوائے۔
