اسلام آباد۔3دسمبر (اے پی پی):پاک بحریہ دے سربرہ ایڈمرل محمدامجد خان نیازی ترکیہ، جرمنی اتے آذربائیجان دا دورہ کیتے تے میزبان ملکاں دی فوجی اتے بحری قیادت نال ملاقاتاں کیتن ۔ پاک بحریہ دی طرفوں جاری بیان موجب انہاں ملاقاتاں اچ بحری افواج دے درمیان ݙوطرفہ تعاون اتے علاقائی میری ٹائم سلامتی متعلق امورتے ڳالھ مہاڑ تھئی ۔ترکیہ دے دورے اچ نیول چیف استنبول شپ یارڈپر پاک بحریہ دے ملجم …
پاک بحریہ دے سربرہ ایڈمرل محمدامجد خان نیازی دا ترکیہ، جرمنی اتے آذربائیجان دادورہ،میزبان ملکاں دی فوجی تے بحری قیادت نال ملاقاتاں
مزید خبراں
اسلام آباد۔3دسمبر (اے پی پی):پاک بحریہ دے سربرہ ایڈمرل محمدامجد خان نیازی ترکیہ، جرمنی اتے آذربائیجان دا دورہ کیتے تے میزبان ملکاں دی فوجی اتے بحری قیادت نال ملاقاتاں کیتن ۔ پاک بحریہ دی طرفوں جاری بیان موجب انہاں ملاقاتاں اچ بحری افواج دے درمیان ݙوطرفہ تعاون اتے علاقائی میری ٹائم سلامتی متعلق امورتے ڳالھ مہاڑ تھئی ۔ترکیہ دے دورے اچ نیول چیف استنبول شپ یارڈپر پاک بحریہ دے ملجم کلاس کارویٹ جنگی جہاز پی این ایس خیبردی افتتاحی تقریب اچ شرکت کیتی۔ وزیراعظم محمد شہبازشریف اتےترکیہ دے صدررجب طیب اردوان ایں تقریب دے مہمانان خصوصی ہن ۔ایں دورے اچ نیول چیف دی ذال بیگم عامرہ امجد جدیدترین پی این ایس خیبردا افتتاح کیتا۔جرمنی دی وفاقی وزارت دفاع آمد تے نیول چیف داپرتپاک خیرمقدم کیتا ڳیا ، جرمن نیوی دے چاک وچوبند دستہ پاک بحریہ دے سربرہ کوں گارڈآف آنرپیش کیتا۔ نیول چیف جرمنی دی بحریہ دے انسپکٹرنال ملاقات کیتی جیں اچ سانجھی دلچسپی دے امورتے ڳالھ مہاڑ کیتی ڳئی ۔بعداچ نیول چیف وہیلیم شاوین بحری اݙہ دادورہ کیتا ، نیول چیف کوں جرمن نیوی فلوٹیلا بارے بریفنگ ݙتی ڳئی ۔نیول چیف جرمن بحری جنگی جہازدادورہ وی کیتا۔دارالحکومت باکوآمدتے آذربائیجان دی بحریہ نیول چیف کوں گارڈ آف آنرپیش کیتا۔بحری فوج دے سربراہ آذربائیجان دی بحری افواج دے کمانڈر اتے وزیردفاع کرنل جنرل ذاکرحسنوف نال ملاقات کیتی ۔ نیول چیف میزبان نیوی کوں ایکس امن 23 تے پاکستان انٹرنیشنل میری ٹائم ایکسپواینڈ کانفرنس اچ شرکت دی دعوت ݙتی جیں دا مقصد سمندری معیشت کوں ودھارا ݙیوݨ تے ملکاں وچال تعاون دی نویں رستے ڳولݨ اے ۔ بعد اچ نیول چیف ملٹری یونٹ اتے آذربائیجان ہائیرملٹری سکول دا دورہ کیتا اتے فیکلٹی ارکان نال ملاقات کیتی ۔نیول چیف دے دورہ نال پاکستان اتے انہاں ملکاں دے درمیان دفاعی شعبہ اچ تعلقات اچ مزید وسعت آسی ۔
