خصوصی لوک میں تے میݙی ذال کوں ٻہوں پیارے ہن ، ساݙی زندگیاں اچ انہاں کوں ٻہوں اہمیت حاصل اے ، صدرڈاکٹر عارف علوی دا خصوصی لوکاں دے عالمی ݙینھ تے ٹویٹ

اسلام آباد۔3دسمبر(اے پی پی):صدر مملکت ڈاکٹر عارف علوی خصوصی لوک میں تے میݙی ذال مسز ثیمنہ علوی کوں ٻہوں پیارے ہن ، ساݙی زندگیاں اچ انہاں کوں ٻہوں اہمیت حاصل اے۔ھک ٹویٹ اچ صدر مملکت ڈاکٹر علوی آکھیے خصوصی لوکاں نال پیار کرݨا چاہیدے انہاں کوں ہر جاہ تئیں جسمانی رسائی ݙتی ونڄے تے انہاں دی صحت دی ݙکھ بھال وی کیتی ونڄے ۔ صدر مملکت خصوصی لوکاں دے عالمی ݙینھ دی مناسبت نال اپݨے ٹویٹ اچ آکھیے جو خصوصی لوکاں کوں تعلیم ݙتی ونڄے انہاں کوں ہنر مند بݨایا تے روزگار ݙے تے انہاں کوں بااختیار بݨایا ونڄے ۔ صدر مملکت آکھیے جو اے دنیا انہاں دی وی اتنی اے جتنی ساݙی اے۔