آندے چووی گھنٹے ملک اچ موسم ٹھڈا تے رکھا رہسی ، محکمہ موسمیات

اسلام آباد۔4دسمبر (اے پی پی):محکمہ موسمیات موجب آندے چووی گھنٹے اچ ملک دے ٻہوں سارے علاقیں اچ موسم ٹھڈا تے رکھا رہسی تاں جو گلگت بلتستان اتے اتلے خیبر پختونخوا اچ موسم جھڑ آلا رہݨ توں علاوہ کجھ جہیں تے کݨ مݨ / برفباری دی توقع اے۔ ایں دوران پنجاب دے کجھ میدانی علاقیں اچ رات تے سویلے کوہیڑ پووݨ دا امکان اے ۔ رپورٹ موجب گزریل 24 گھنٹے ملک اچ موسم رکھا تے ٹھڈا رہیا ، پنجاب دے کجھ میدانی علاقے کوہیڑ دی وکیڑ اچ رہیے ۔اتوار کوں ریکارڈ کیتےڳئےگھٹ توں گھٹ درجہ حرارت دی رپورٹ موجب لہہ اچ درجہ حرارت منفی 8، زیارت، اسکردو منفی 5، قلات، کالام اتے گوپس اچ منفی 4 ڈگری سینٹی گریڈ ریکارڈ کیتا ڳئے ۔