راولپنڈی۔4دسمبر(اے پی پی) پاکستان مسلم لیگ (ن) شعبہ خواتین دی سابق صدرو سینئر پارلیمنٹیرین بیگم نجمہ حمید دی نماز جنازہ پڑھی ڳئی اے ۔ نماز جنازہ ایف بلاک سیٹلائٹ ٹائون، راولپنڈی اچ پڑھی ڳئی ، نماز جنازہ اچ سیاسی رہنماواں طارق فضل چوہدری، طلال چوہدری، ملک ابرار، راجہ ظفر الحق، زمرد خان، نئیر بخاری، فرحت اللہ بابر، انجم عقیل، سردار نسیم، ظفر علی شاہ، ٻئے سیاسی رہنماواں سودھے لیگی کارکناں تے عوام دی وݙی تعداد شرکت کیتی ۔ نجمہ حمید جمعہ 2 دسمبر دی رات فوت تھیاں ہن ، انہاں دے ثواب کیتے رسم قل اتے اجتماعی دعا سنوار ظہر دی نماز توں بعد صدیق شادی ہال سیٹلائٹ ٹائون، راولپنڈی اچ تھیسی ۔ مرحومہ نجمہ حمید ݙو واری سینیٹ آف پاکستان دی رکن وی رہ ڳئن۔ مرحومہ سوگواران اچ ترائے پتر چھوڑئن ۔
