وزیراعظم منگلا بجلی گھر دے یونٹ 5 تے 6 دے ریفربشمنٹ منصوبے دا افتتاح کرݙتے

منگلا۔5دسمبر(اے پی پی) وزیراعظم شہباز شریف منگلا بجلی گھر دے یونٹ 5 تے 6 دے ریفربشمنٹ منصوبے دا افتتاح کرݙتے۔ منگلا بجلی گھر ریفربشمنٹ منصوبے اچ سارے یونٹ اچ 50 سال پراݨی مشینری وٹا تے نویں لڳدی پئی اے۔ منصوبے توں بعد منگلا بجلی گھر دی صلاحیت ہک ہزار میگاواٹ توں ودھ تے ہک ہزار 310 میگاواٹ تھی ویسی اتے سالانہ 5.6 بلین یونٹ صاف، ماحول دوست اتے سستی بجلی ٻݨسی۔ منصوبے دے پہلے مرحلے اچ 10 اچوں 6 یونٹس دی ریفربشمنٹ تے تقریباً 90 فیصد کم مکمل اے۔ 483 ملین ڈالر دے منصؤبے اچ یو ایس ایڈ 150 ملین ڈالر دی گرانٹ، 90 ملین یورو دا اے ایف ڈی لون اتے واپڈا 178 ملین ڈالر ݙیندا پئے۔ افتتاح اچ معاون خصوصی طارق فاطمی، وزیراعظم آزاد کشمیر سردار تنویر الیاس، چیئر مین واپڈا لیفٹیننٹ جنرل (ر) سجاد غنی، امریکہ دے پاکستان اچ سفیر ڈونلڈ بلوم، یو ایس ایڈ مشن ڈائریکٹر ریڈ ایسچلیمین وی موجود ہن۔