شنگھائی تعاون تنظیم دے رکن ملکاں دا 9واں وزراء انصاف اجلاس 9 دسمبر کوں وزارت قانون و انصاف اچ تھیسی

اسلام آباد۔7دسمبر(اے پی پی) شنگھائی تعاون تنظیم دے رکن ملکاں دا 9 واں وزراء انصاف اجلاس 9 دسمبر کوں وزارت قانون و انصاف اچ تھیسی ۔ شنگھائی تعاون تنظیم دے رکن ملکاں دی 9ویں وزراء انصاف دا اجلاس ورچوئل ہوسی۔ ٻدھ کوں وزارت قانون و انصاف توں جاری بیان موجب ہݨ تئیں شنگھائی تعاون تنظیم دے رکن ملکاں دے وزراء انصاف دے 8 اجلاس تھی چکن جیڑھے جو رکن ملکان دے مختلف شہراں اچ تھئن ۔ گزریل سال وڈیو کانفرنس دے ذریعے تاجکستان اچ منعقد تھیوݨ آلی آٹھویں وزراء انصاف اجلاس دے مشترکہ اعلامیہ اچ ایں ڳالھ تے اتفاق کیتا ڳیا جو اڳلا اجلاس 2022 اچ پاکستان اچ کیتا ویسی ۔ 9ویں وزراء انصاف اجلاس اچ چین، روس، قازقستان، کرغزستان، تاجکستان، ازبکستان، بھارت تے پاکستان دے وزراء انصاف خطاب کریسن۔