وفاقی وزیر قومی صحت ایم بی بی ایس اچ 29میڈل گھنݨ آلے طالب علم حافظ محمد ولید کوں 2لکھ دا چیک ݙتا

اسلام آباد۔7دسمبر(اے پی پی) وفاقی وزیر قومی صحت عبدالقادر پٹیل ایم بی بی ایس اچ نمایاں کارکردگی ݙکھاوݨ آلے 29میڈل حاصل کرݨ آلے طالب علم حافظ محمد ولید کوں 2لکھ دا چیک ݙتے ۔ ایں موقع تے میڈیا نال ڳالھ مہاڑ کریندے ہوئیں وفاقی وزیرآکھیے جو حافظ محمد ولید میڈیکل دی تعلیم اچ 29میڈل ڳھدن ، ایجھے طالب علم ساݙا مستقبل ہن جنہاں کوں پورے ملک اچ سنڄاݨ ملݨی چاہیدی اے ۔ انہاں آکھیے اساں ولید دی حوصلہ افزائی کیتی تاں جو اے مزید محنت کرتے میڈیکل دے شعبہ دے ماہربݨ تے ابھریے۔ ایں موقع تے حافظ محمدولید آکھیے جو اے میں کیے عزت ڳالھ اے جو وفاقی وزیر عبدالقادر پٹیل میکوں سݙیے تے میݙی عزت افزائی کیتی۔ انہاں آکھیے او مزید محنت کرتے ملک و قوم دی خدمت کرݨ چاہندے ۔ یاد رہے جو حافظ محمد ولید آپݨی میڈیکل دی تعلیم دے دوران 29میڈل حاصل کر تے ھک ریکارڈ بݨائے ۔ حافظ محمد ولید 27 گولڈ میڈل اتے 2سلور میڈل ڳھدن ۔