اسلام آباد۔22مارچ (اے پی پی) صدر مملکت ڈاکٹر عارف علوی آکھیا جو اسلامی ملکاں دی یونیورسٹیاں کوں تحقیق دے فروغ تے ثقافتی اتے تعلیمی اداریاں اچ تعاون ودھاوݨا چاہیدے اتے آکھیا جو آبی وسائل دے انتظام، ماحولیات بارے مسائل، سائنس تے ٹیکنالوجی اتے مصنوعی ذہانت دے شعبیاں اچ تعاون تے توجہ ݙیوݨی چاہیدی اے۔ اے ڳالھیں انہاں اسلامی تعلیمی، سائنسی اتے ثقافتی تنظیم دے ڈائریکٹر جنرل ڈاکٹر سلیم ایم الملک …
اسلامی ملکاں دی یونیورسٹیاں کوں تحقیق دے فروغ تے ثقافتی اتے تعلیمی اداریاں اچ تعاون ودھاوݨا چاہیدے، صدر مملکت ڈاکٹر عارف علوی
مزید خبراں
اسلام آباد۔22مارچ (اے پی پی) صدر مملکت ڈاکٹر عارف علوی آکھیا جو اسلامی ملکاں دی یونیورسٹیاں کوں تحقیق دے فروغ تے ثقافتی اتے تعلیمی اداریاں اچ تعاون ودھاوݨا چاہیدے اتے آکھیا جو آبی وسائل دے انتظام، ماحولیات بارے مسائل، سائنس تے ٹیکنالوجی اتے مصنوعی ذہانت دے شعبیاں اچ تعاون تے توجہ ݙیوݨی چاہیدی اے۔ اے ڳالھیں انہاں اسلامی تعلیمی، سائنسی اتے ثقافتی تنظیم دے ڈائریکٹر جنرل ڈاکٹر سلیم ایم الملک نال ڳالھ مہاڑ کریندیں ہوئیں آکھی جنہاں بدھ کوں ایوان صدر اچ اپݨے وفد دے ارکان دے رَلے نال ملاقات کیتی۔ ایں موقع تے پاکستان اچ سعودی عرب دے سفیر نواف بن سعید احمد المالکی، چیئرمین ہائر ایجوکیشن کمیشن پروفیسر ڈاکٹر مختار احمد اتے صدر دے سیکرٹری وقار احمد وی موجود ہن۔ ایں توں پہلے صدرمملکت ڈاکٹر سلیم ایم الملک کوں اسلامی ملکاں وچال تعلیم اتے تحقیق دے شعبیاں اچ تعاون کوں ودھاوݨ کیتے انہاں دی خدمات دے اعتراف اچ قائداعظم یونیورسٹی ولوں پی ایچ ڈی دی اعزازی ڈگری عطا کیتی۔ ایں موقع تے خطاب کریندیں ہوئیں صدر مملکت 21ویں صدی دے چیلنجز نال نبڑݨ کیتے عالم اسلام ولوں سائبر سیکیورٹی اتے مصنوعی ذہانت تے توجہ ݙیوݨ دی لوڑھ تے روشنی پاتی۔
