اسلام آباد۔29مارچ(اے پی پی)پورے ملک توں چووی گھنٹے اچ کورونا وائرس دے109 کیس رپورٹ تھئن جنہاں اچوں 21مریضاں دی حالت تشویش ناک اے۔قومی ادارہ صحت(این آئی ایچ)دی طرفوں جاری اعداد و شمار موجب پورے ملک اچ 24 گھنٹے اچ کورونا وائرس دے4ہزار731ٹیسٹ کیتے ڳن جنہاں اچوں 109 لوکاں دے ٹیسٹ مثبت آئے ایویں کیسز دی شرح2.30فیصد رہی تے ایں دوران کورونا وائرس توں کوئی مریض جاں بحق نی تھیا جݙاں جو 21 دی حالت تشویشناک اے۔ملک دے وکھو وکھ شہراں اچ گزریل 24 گھنٹے اچ کیتے ڳئٖ کورونا ٹیسٹ تے مثبت کیسز دے حوالے نال لاہور اچ 621 لوکاں اچوں 24 دے ٹیسٹ مثبت آئے اتے اتھاں مثبت کیسز دی شرح 3.86 فیصد رہی، اسلام آباد اچ 388 اچوں 8 لوکاں دے ٹیسٹ مثبت آئے اتے شرح 2.06 فیصد رہی ، کراچی اچ 649 اچوں 39دے کیس مثبت آئے اتے اتھاں شرح 6.01فیصد رہی جݙاں جو بہاولپور اچ 196 اچوں 2 لوکاں دے ٹیسٹ مثبت آئے تے اتھاں مثبت کیسز دی شرح 1.02فیصد رہی۔
