اسلام آباد۔19اپریل(اے پی پی) صدر مملکت ڈاکٹر عارف علوی انشورنس کمپنی کوں بیوہ کوں 3 لکھ دا انشورنس کلیم ادا کرݨ دا حکم ݙیندے ہوئیں سٹیٹ لائف انشورنس دی اپیل کوں مسترد کرݙتے۔ ایوانِ صدر دے پریس ونگ توں جاری بیان موجب اسٹیٹ لائف انشورنس کمپنی بیوہ کوں لائف انشورنس کلیم دی ادائیگی توں انکار کرݙتا ہئی ۔ اسٹیٹ لائف مؤقف اپنائے جو متوفی دی موت سڑک حادثے توں براہ …
صدر مملکت دا انشورنس کمپنی کوں بیوہ کوں انشورنس کلیم ادا کرݨ دا حکم
اسلام آباد۔19اپریل(اے پی پی) صدر مملکت ڈاکٹر عارف علوی انشورنس کمپنی کوں بیوہ کوں 3 لکھ دا انشورنس کلیم ادا کرݨ دا حکم ݙیندے ہوئیں سٹیٹ لائف انشورنس دی اپیل کوں مسترد کرݙتے۔ ایوانِ صدر دے پریس ونگ توں جاری بیان موجب اسٹیٹ لائف انشورنس کمپنی بیوہ کوں لائف انشورنس کلیم دی ادائیگی توں انکار کرݙتا ہئی ۔ اسٹیٹ لائف مؤقف اپنائے جو متوفی دی موت سڑک حادثے توں براہ راست نی بلکہ مرگی دی وجہ توں تھئی اے ۔ صدر مملکت اسٹیٹ لائف دا مؤقف مسترد کرݙتا تے وفاقی محتسب دے احکامات برقرار رکھیندے ہوئیں آکھیے اسٹیٹ لائف مناسب قواعدو ضوابط اپنائے اتے بدانتظامی کوں روکے۔ صدر مملکت آکھیے کوئی ثبوت پیش نی کیتا ڳیا جو متوفی دی موت مرگی توں براہ راست تھئی اے ۔ صدر آکھیے اسٹیٹ لائف دے فیلڈ آفیسر دی رپورٹ اچ متوفی پالیسی ہولڈر کوں صحت مند قرار ݙتا ڳے، رپورٹ اچ واضح طور تے لکھیا ڳئے جو افسر متوفی پالیسی ہولڈر کوں پچھلے ݙو سالاں توں ڄاݨدا ہئی ۔ صدر ڈاکٹر عارف علوی آکھیے بدانتظامی ثابت تھئی اے ایں سانڳے اسٹیٹ لائف 30 ݙینھ اچ شکایت کنندہ کوں کلیم ادا کرے ۔
