وزارت اطلاعات ونشریات دی طرفوں نادرا دے اشتراک نال تیار کیتی ڳئی’’1973 آئین پاکستان ایپ‘‘ہݨ موبائل پلے سٹور تے دستیاب

اسلام آباد۔20اپریل(اے پی پی):وزارت اطلاعات ونشریات دی طرفوں نادرا دی سانجھ نال تیار کیتی ڳئی’’1973 آئین پاکستان ایپ‘‘ دے باقاعدہ اجراء دے بعد ہݨ اے ایپ موبائل پلے سٹور تے ھک کلک تے دستیاب اے۔ وزیراعظم شہباز شریف پی ٹی وی سینٹر اسلام آباد اچ ’’1973 آئین پاکستان ایپ‘‘ دا باقاعدہ اجراء وفاقی وزیراطلاعات ونشریات مریم اورنگزیب اتے وفاقی وزیر داخلہ رانا ثناء اللہ خان دے رلے کرݙتے۔ اے ایپ ہݨ گوگل پلے سٹورسودھے ہر طرح دے موبائل پلے سٹورز اچ سرچ ایپ دے طور تے ھک کلک تے دستیاب اے۔ ایں ایپ دا مقصد عوام بالخصوص نینگراں کوں آئین بارے شعور، آگاہی اتے رسائی ݙیوݨ اے تاں جو او آپݨے حقوق اتے آئین دی اہمیت ڄاݨن ۔