پاک فضائیہ دے ایئربس اتے سی۔ 130ہرکولیس طیارے سوڈان توں پاکستانیاں دے انخلا وچ مصروف ہن، ترجمان

اسلام آباد۔28اپریل(اے پی پی) پاک فضائیہ دے ایئربس اتے سی۔ 130 ہرکولیس طیارے سوڈان توں جدہ دے رستے پاکستانیاں دے انخلا وچ مصروف ہن ۔وزیر اعظم پاکستان دی ہدایت تے پاک فضائیہ دے سربراہ پاک فضائیہ دے ٹرانسپورٹ فلیٹ کوں سوڈان اچ پھتے پاکستانیاں دے انخلا دے احکامات جاری کرݙتن ۔ ترجمان پاک فضائیہ موجب پاک فضائیہ دا ایئربس طیارہ 149 مسافراں کوں گھن تے جدہ توں کراچی بحفاظت لینڈ کرڳئے ۔پاک فضائیہ دا سی-130 طیارہ پاکستانی مسافراں کوں گھن تے آڄ شام لینڈ کریسی ۔پاک فضائیہ وزارت خارجہ اتے سوڈان و سعودی عرب اچ پاکستانی سفارتخانیں نال رل تے پتھے پاکستانیاں دی وطن واپسی کیتے ہر ممکن کوشش کریندی پئی اے ۔ پورٹ سوڈان نیو انٹرنیشنل ایئرپورٹ توں ریسکیو کیتے ڳئے پاکستانیاں کوں پاک فضائیہ دے ٹرانسپورٹ طیاریں دے ذریعے منتقل کیتا ویندا پئے ۔ پاک فضائیہ مصیبت اچ پتھے پاکستانی بھرا تے بھیݨاں دی بحفاظت وطن واپسی تئیں آپݨے آپریشنز دا سلسلہ جاری رکھیسی ۔