صدر مملکت دی شکایت نمٹاوݨ اچ ناکامی تے ای او بی آئی تے برہمی،  ریٹائرڈ خاتون ٹیچر کوں مہینے دے اندرو پنشن ݙیوݨ دی ہدایت

اسلام آباد۔29اپریل(اے پی پی)صدر مملکت ڈاکٹر عارف علوی شکایت نمٹاوݨ اچ ناکامی تے ایمپلائز اولڈ ایج بینیفٹ انسٹی ٹیوشن (ای او بی آئی) تے کوڑیندے ہوئے ریٹائرڈ خاتون ٹیچر کوں مہینے دے اندرو پنشن ݙیوݨ دی ہدایت کیتی اے۔ ای او بی آئی آکسفورڈ پبلک سکول، حیات آباد، پشاور دی ریٹائرڈ ٹیچر زہرہ بی بی دی فروری 2019 توں پنشن روکی ہوئی ہئی جو شکایت کنندہ دے بیٹ افیسر ایندی 3 سال دی ملازمت دی تصدیق کیتی ہئی۔ صدر مملکت تریمت دی شکایت تے آکھیے جو ای او بی آئی غیر ضروری طور تے وفاقی محتسب دے فیصلے دے خلاف اپیل کر تے قیمتی وقت ضائع کیتے۔ صدر مملکت سیکرٹری وزارت سمندر پار پاکستانیز اتے ترقی انسانی وسائل کوں فوری طور تے ادارے دے خدمات ودھاوݨ کیتے موثر اقدامات دی ہدایت کیتی اے۔ ادارہ ٹیچر دی تنخواہ اچوں کٹوتی کریندا رہے اتے متعلقہ سکول ادارے نال رجسٹرڈ وی ہا، ادارے تریمت کوں پنشن روک ݙتی ہئی جیندے تے متاثرہ ٹیچر وفاقی محتسب کوں درخواست ݙتی ہئی۔ ای او بی آئی وفاقی محتسب دے تریمت دے حق اچ فیصلہ ݙیوݨ دے بعد فیصلے دے خلاف صدر کوں اپیل کیتی ہئی۔ صدر مملکت تریمت دے پنشن سکیم رجسٹریشن کارڈ کوں اصلی منیندے تریمت کوں 1996 توں پنشن دی اہل قرار ݙتے اتے ادارہ ریٹائرڈ ٹیچر کوں فروری 2019 توں ایندی پنشن جاری کرے جو اے ایندی محنت دی کمائی اے، کہیں کوں اوندے حق توں محروم نئیں رکھیا ونڄ سڳدا۔ ، اداری تریمت کوں ہک مہینے اچ پنشن ݙیوے اتے ادائیگی دی رپورت محتسب کوں جمع کراوے۔