آئین پاکستان آزادی صحافت اتے شہریاں دی درست معلومات تئیں رسائی دا حق دا ضامن اے، پی ٹی آئی دے چار سالہ دور اچ پراسرار سنسر شپ صحافیاں کوں ݙرائے، اڄ ملک اچ صحافت پوری آزاد اے، مریم اورنگزیب

اسلام آباد۔3مئی  (اے پی پی) وفاقی وزیر اطلاعات تے نشریات  مریم اورنگزیب  آکھیا جو آئین پاکستان آزادی صحافت اتے شہریاں دی درست معلومات تئیں رسائی دا حق دا ضامن اے، پی ٹی آئی دے چار سالہ دور اچ پراسرار سنسر شپ صحافیاں کوں ݙرائے، اڄ ملک اچ صحافت پوری آزاد اے۔  بدقسمتی نال پاکستان اچ 2018 توں 2022 تئیں صحافت اوکھے دور توں گزری اے۔ اوں ویلھے دے وزیراعظم کوں عالمی ادارے “پریس فریڈم پریڈیٹر “دا شرمناک  خطاب ݙتا۔ عمران خان نہ صرف صحافیاں دی آواز بند کیتی بلکہ انہاں دے قلم بھنیے، انہاں کوں اغوا کیتا، گولیاں ماری۔ بدھ کوں آزادی صحافت دے جڳ ڈٰیھاڑ دے موقع تے اپݨے بیان اچ وفاقی وزیراطلاعات تے نشریات آکھیا جو اڄ پاکستان سودھے پوری دنیا اچ آزادی صحافت دا ݙینھ منایا ویندا پے۔ وزیراعظم پاکستان شہباز شریف دی قیادت اچ اتحادی حکومت پریس دی آزادی تے یقین رکھیندی اے۔ پاکستان دا آئین آزادی صحافت اتے شہریاں دی درست معلومات تئیں رسائی دے حق دی ضمانت ݙیندے۔ وفاقی وزیر اطلاعات آزادی صحافت دے ݙینھ دے موقع تے انہاں صحافیاں کوں خراج عقیدت پیش کیتا جنہاں سچ دی ڳول اچ اپݨی جاناں ݙتی۔