قومی اسمبلی اچ حج انتظامات دی نگرانی کیتے ݙوہیں ایواناں تے مشتمل کمیٹی دے قیام دی قرارداد دی منظوری ݙے ݙتی

اسلام آباد۔16مئی(اے پی پی):قومی اسمبلی اچ حج انتظامات دی نگرانی کیتے ݙوہیں ایواناں تے مشتمل کمیٹی دے قیام دی قرارداد دی منظوری ݙتی ڳئی ۔ قومی اسمبلی اچ ایں حوالے نال قرارداد دے متن اچ آکھیا ڳئے جو ایوان دی رائے ہے جو ایوان 8 توں 10 ارکان تے مشتمل کمیٹی تشکیل ݙیون ۔ شگفتہ جمانی قرارداد پیش کرݨ دی اجازت منگی، اجازت ملݨ تے انہاں قرارداد پیش کیتی۔ ایندے وچ وزیر مذہبی امور تے ݙوہیں ایوان دے مجالس قائمہ دے چیئرمینز شامل ہوسن ۔ سپیکرکوں کمیٹی دے ارکان دی تقرری دا اختیار حاصل ہوسی ۔ کمیٹی حج دے انتظامات تے سہولتاں دے حوالے نال امور دی نگرانی کریسی ۔ ایوان قرارداد دی منظوری ݙے ݙتی۔