ملک دے اتلے اتے وسطی علاقیاں اچ مغربی ہوائیں آوݨ پاروں اگلے ݙو ݙینھ اندھاری،جکھڑ چلݨ اتے ڳاڄ کھمݨ نال مینہ وسݨ دا امکان اے، این ڈی ایم اے

اسلام آباد۔16مئی  (اے پی پی) ملک دے اتلے اتے وسطی علاقیاں اچ مغربی ہوائیں آوݨ پاروں اگلے ݙو ݙینھ اندھاری،جکھڑ چلݨ اتے ڳاڄ کھمݨ نال مینہ وسݨ دا امکان اے۔نیشنل ڈیزاسٹر مینجمنٹ اتھارٹی سارے سٹیک ہولڈرز کوں ممکنہ موسمی صورتحال پاروں احتیاط اتے تیاری سودھے لوکاں کوں آگاہی کیتے ویلھے تے اقدامات کرݨ بارے ہدایت جاری کیتی اے۔ محکمہ موسمیات موجب ملک اچ آوݨ آلی ہوائیں 18 مئی تئیں رہسن جئیں پاروں 17 اتے 18 مئی وچال کشمیر (وادی نیلم، مظفرآباد، پونچھ، ہٹیاں، باغ، حویلی، سدھنوتی، کوٹلی، بھمبر، میرپور)، گلگت بلتستان (دیامیر، استور، غذر، سکردو، ہنزہ، گلگت، گھانچے، شگر)، چترال، دیر، سوات، کوہستان، مانسہرہ، ایبٹ آباد، ہری پور،پشاور، چارسدہ، نوشہرہ، صوابی، مردان، باجوڑ، کرم، وزیرستان، کوہاٹ،بنوں، ٹانک، کرک، ڈیرہ اسماعیل خان، اسلام آباد، مری، گلیات، راولپنڈی، اٹک، چکوال، جہلم، سرگودھا، میانوالی، خوشاب، بھکر، فیصل آباد، جھنگ، ٹوبہ ٹیک سنگھ، شیخوپورہ ،ننکانہ، گوجرانوالہ، سیالکوٹ ، قصور، اوکاڑہ اتے لاہور اچ اندھاری،جکھڑ چلݨ اتے ڳاڄ کھمݨ نال مینہ وسݨ دا امکان اے۔۔16 (شام/رات)اتے17 مئی کوں بلوچستان (کوئٹہ، ژوب، بارکھان، قلعہ سیف اللہ، قلعہ عبداللہ، چمن، پشین، نوشکی، نصیر آباد، سبی) ، جنوبی پنجاب (لیہ، کوٹ ادو، ملتان، ڈیرہ غازی خان،راجن پور، بہاولنگر، خانیوال، پاکپتن ،ساہیوال) اتے بالائی سندھ (سکھر، جیکب آباد،لاڑکانہ ) اچ اندھاری،جکھڑ چلݨ اتے ڳاڄ کھمݨ نال مینہ وسݨ دا امکان اے۔17 اتے18 مئی کوں پنجاب، خیبر پختونخوا اتے کشمیر اچ اندھاری پاروں کھڑی فصلاں اتے کمزور سٹرکچر کوں نقصان دا ݙر اے۔ بارش وچال سیاھاں کوں محتاط رہݨ دی ہدایت کیتی ڳی اے۔  محکمہ موسمیات سارے اداریاں کوں ایں وچال” الرٹ “رہݨ دی ہدایت کیتی اے۔