اساں وختی سیچوان اتے پنجاب دی کاروباری برادری کوں جوڑݨ کیتے ھک پلیٹ فارم بݨیسوں ، پاکستانی سفیر معین الحق

اسلام آباد۔17مئی(اے پی پی):چین اچ پاکستانی سفیر معین الحق آکھیے اساں وختی سیچوان تے پنجاب  دی کاروباری برادری کوں جوڑݨ کیتے ھک پلیٹ فارم بݨیسوں ، اساں تساں ساریں کوں ایندا حصہ بݨݨ دی دعوت ݙیندوں ۔ اے ڳالھ انہاں چینگڈو اچ چائنا پاکستان اکنامک اینڈ کلچرل ایکسچینج انکیوبیشن سینٹر اچ چین دے سیچوان اتے چونگ  چھنگ دے علاقے دے 50 کاروباری اداریں نال آپݨی ملاقات اچ آکھی اے ۔  کمرشل قونصلر غلام قادر وی میٹنگ اچ شرکت کیتی تے پاک چین تعاون دی نویں پیش رفت اتے امکانات دا ݙسایا ۔ انہاں آکھیے زراعت ھک اہم شعبہ اے اتے اساں ایں شعبے اچ ٻہوں تکڑے ہیسے ، انہاں آکھیے میں تساکوں ݙساوݨ چاہساں جو پاکستان دی ڈیری مصنوعات دی برآمد دا پروٹوکول تکمیل دے نیڑے ہے ، ایں توں 10 بلین امریکی ڈالر دی مارکیٹ کھلسی ۔ ھک ٻیا متعلقہ شعبہ گوشت اے، اساں ھک مہینے توں وی گھٹ عرسے اچ پہلی واری پاکستانی ڳئوں دا گوشت چین کوں برآمد کرݨ کیتے تیار ہیسے ، رتی مرچ تے بئی مصنوعات دے حوالے نال وی ساݙے پروٹوکول دی وی منظوری ݙتی ویسی ۔مثلا 18 چینی اداریں توں چیری خریداراں دا  پہلا گروپ  پاکستان پڄ ڳئے ، ایں موقع  تے غلام قادر آکھیے چین اچ 30 ملین مسلمان ہن جتھاں حلال کھاݨے دی ٻہوں مانگ اے تے ایندے ڳئوں دے گوشت دی قیمت پاکستان اچ ڳئوں دے گوشت دی قیمت دے مقابلے اچ تقریبا 3 گنا اے۔ پاکستان سیچوان چیمبر آف کامرس دے چیئرمین لی ہونگ وو آکھیے او چار سال توں ودھ عرصے توں پاکستانی گئوں دا گوشت چینگڈو گھن آوݨ دی کوشش کریندے پئن۔