وزارت خارجہ دے معاملیاں اچ بہتری کیتے اصلاحات تھیندی پن، وزیر خارجہ بلاول بھٹو زرداری دا “شیئر پاکستان پورٹل” دے افتتاح دی تقریب توں خطاب

اسلام آباد۔17مئی  (اے پی پی) وزیر خارجہ بلاول بھٹو زرداری آکھیا جو وزارت خارجہ دے معاملیاں اچ بہتری کیتے اصلاحات تھیندی پن۔ “شیئرپاکستان پورٹل”  دے ذریعے عالمی سطح تے پاکستان دا بہتر تشخص اجاگر تھیسی اتے عوامی تے ادارہ جاتی سفارتکاری اچ بہتری امسی۔ بدھ کوں “شیئر پاکستان پورٹل” دے افتتاح دی تقریب توں خطاب کریندیں ہوئیں وزیرخارجہ آکھیا جو جݙاں توں میں پاکستان دے وزیرخارجہ دا عہدہ سنبھالیے، اساں محسوس کیتے جو اساݙی انتظامیہ کوں پیراڈائم شفٹ دی ٻہوں لوڑھ اے۔ انہاں انتظامی اصلاحات نال اپݨے مینڈیٹ کوں موثر طیقے نال ادا کرݨ دی وزارت دی صلاحیت کوں بہتر کرݨ دے عزم دے طور ’وزیر خارجہ دی تبدیلی دے انتظامی اقدام‘ دا سانجھ کیتے۔ ایں بارے میں اپݨے دفتر دے نال نال وزارت خارجہ دے معاملے اتے ٻاہرلے ملک اساݙے مشنز دے سارے فنکشنز بارے ماہرین دی ہک ٹیم کوں مختلف کم بشمول انسانی وسائل، مالیات، لاجسٹکس، کمیونیکیشن، قونصلر، پروٹوکول اینڈ کمیونٹی سروسز، ڈیجیٹلائزیشن ،قواعد، پالیسیاں اتے طریقہ کار اچ سوکھ بارے کئی اصلاحات تے غور کرݨ کیتے مقرر کیتے۔  وزیر خارجہ “شیئر پاکستان” پورٹل ٻݨاوݨ اچ وزارت خارجہ امور نال سانجھ کرݨ تے این آئی ٹی بی اتے وزارت انفارمیشن ٹیکنالوجی دے تعاون دا شکریہ ادا کیتا ۔ انہاں آکھیا جو میں ایں پورٹل دے کامیاب آغاز تے ترجمان دے دفتر اتے اسٹریٹجک کمیوٹیشن ٹیم کوں مبارخ ݙینداں۔