پاک فوج دے سربراہ دا سیالکوٹ گیریژن دا دورہ، یوم سیاہ ( 9 مئی) تے قوم دی توہین کرݨ آلے سارے ذمہ واراں کوں ہر صورت انصاف دے کٹہرے اچ ڳھن آسوں، جنرل سید عاصم منیر

راولپنڈی۔17مئی  (اے پی پی) پاک فوج دے سربراہ جنرل سید عاصم  منیر ایں ڳالھ تے زور ݙتا جو ہک منظم منصوبہ بندی دے تحت تھیوݨ آلے المناک واقعے دے ولا کہیں قیمت تے موکل نہ ݙیسوں، پاک فوج دے سربراہ دا سیالکوٹ گیریژن دا دورہ، یوم سیاہ ( 9 مئی) تے قوم دی توہین کرݨ آلے سارے ذمہ واراں کوں ہر صورت انصاف دے کٹہرے اچ ڳھن آسوں۔ او بدھ کوں سیالکوٹ گیریژن دے دورہ دے موقع تے خطاب کریندے پے ہن۔ آئی ایس پی آر موجب پاک فوج دے سربراہ بدھ کوں سیالکوٹ گیریژن دا دورہ کیتا۔ گیریژن آوݨ تے آرمی چیف شہیداں دی یادگار دے پھلاں دی چادر چڑھائی اتے شہیداں کوں شاندار خراج عقیدت پیش کیتا جنہاں قوم دے فخر، عزت تے وقار کیتے اپݨٰی جاناں دا نذرانہ پیش کیتا۔ پاک فوج دے سربراہ جنرل سید عاصم منیر آکھیا جو اساݙے شہداء اساݙے متھے دا جھومر ہن ، پاکستان دی عوام دے دلاں اچ شہیداں دا عظیم مقام ہمیشہ یاد رکھیا ویسی۔ ریاستِ پاکستان اتے مسلح افواج سارے شہیداں اتے انہاں دے ٹٻراں کوں ہمیشہ مقدم رکھیندن۔ انہاں رینک اینڈ فائل دے سامھے ایں عزم کوں ہک واری ولا دہرایا جو پاک فوج دے سربراہ دا سیالکوٹ گیریژن دا دورہ، یوم سیاہ ( 9 مئی) تے قوم دی توہین کرݨ آلے سارے ذمہ واراں کوں ہر صورت انصاف دے کٹہرے اچ ڳھن آسوں۔ آرمی چیف دے آوݨ تے کمانڈر گجرانوالہ کور انہاں دا استقبال کیتا۔